форум

Како да се разоружаме?

Во ова издание на „Граѓански свет“ поставуваме прашање кое веќе предолго време, за жал, е присутво на нашиве простори: како да се разоружаме? Односно, ве прашуваме - што и колку можат во оваа смисла да направат обичните граѓани? Дали граѓанинот може да придонесе во разоружувањето, и на кој начин?

Доколку имате размислување или став по ова прашање, ве покануваме да учествувате на Форумот на веб-страниците: www.graganskisvet.org.mk и www.civicworld.org.mk .

Ве молиме притоа да го наведете вашето полно име и презиме, како и името на зружението, доколку членувате во некое. За почеток, еве едно размислување на оваа тема:

Драгана - Дина Митровиќ, „Нов живот“, Штип:
Иако носители на спроведувањето на Националната програма за зголемување на општата сигурност преку доброволното предавање на оружјето се Координативното тело (во кое има еден претставник од секторот на НВО) и комисиите кои тоа ќе ги одреди, оставен е простор за вклучување на граѓанските организации. Домашните организации можат да се вклучат со активности за влевање доверба, поттикнување и храбрење на населението за соработка и доброволно предавање на оружјето. За време на акцијата која ќе трае до средината на делкември годинава, граѓаните ќе можат да се вклучат во мониторинг на пунктовите за собирање на оружјето. Убедена сум дека граѓанските организации ќе пројават интерес за активно учество во кампањата и акцијата за доброволно враќање на оружјето. Тоа го докажа и анкетата спроведена од едно здружение од Гостивар, за мислењето на граѓаните за оружјето во Македонија, стравовите и надежите за спроведување на Законот за доброволно предавање на оружјето. Исто така, знам и за подготовките на некои НВО за вклучување во кампањата за поттикнување кон враќањето на оружјето. Варувам дека има и простор и интерес за вклучување на граѓанскиот сектор во оваа акција, што ќе придонесе за поголем успех на истата, и осигурување на безбедноста на сите нас. Јас сум оптимист!