|
ONLINE VERSION |
|
|
PRINT VERSION |
|
претставување
Актив на жените Ромки “Преродба” - Кичево
Активот на жените Ромки „Преродба” од Кичево е граѓанска организација формирана во 2002 година, од група жени и млади Роми, која работи на вклучување на поголем број млади Роми во граѓанскиот сектор. Работи на давање помош на жени и деца во разрешување на постоечките проблеми, на унапредување на здравјето и животната средина, на подигање на степенот на образованието, како и на намалување на малолетничките бракови.
Активот се стреми да прерасне во едукативен центар за саморешавање на проблемите на Ромите, а во изминатиот период реализира позначајни активности од областа за подобрување на здравствената заштита, на разрешување проблеми во семејството и др.
Во партнерсто со ГО „Виножито”, во 2004 година членовите на Преродба го реализираа проектот „Сточарството како одржлив развој на заедницата”, а годинава и неколку локални иницијативи во соработка со Унијата на Ромите и ЏЗ „Бела кула”, како што беше и учеството на Регионалниот НВО-саем во Гостивар, со презентирање и на темата „Запознавање со културата и културните вредности на Ромите од ромската заедница во општина Кичево”. Организацијата досега реализирала и повеќе локални иницијативи во соработка со граѓански организации од регионот, со месните заедници, со општинскиот Црвен крст, како и со локалната самоуправа. На крајот од декември во Кичево ќе биде презентиран нацрт-извештајот за „Подобрување на социо-економската состојба на Ромите од Кичево”, иницијален документ кој претставува водич за ромската заедница во градот за наредниот период.
Активот на жените Ромки „Преродба” има основано и мрежа на ромски ГО на локално ниво, а во оваа прилика неговите членови ги информираат сите заинтересирани граѓански организации од регионот и пошироко дека во 2007 година ќе можат да се вмрежуваат заради остварување заеднички интереси. Организацијата ги финансира своите активности преку членарина, грантови и донации.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
