|
ONLINE VERSION |
|
|
PRINT VERSION |
|
Акција на Меѓаши за бришење графити
“Да го симнеме насилството од ѕидовите”
Првата детска амбасада во светот Меѓаши, организираше акција за бришење графити “Да го симнеме насилството од ѕидовите” на локациите под мостот кај хотелот Александар палас и пред гимназијата “Никола Карев” во Скопје. Акцијата ја спроведоа 30 ученици од средни училишта од Тетово, од Куманово и од Скопје кои на местата на графитите со насилна содржина испишаа нови мировни пораки со апели за мир, толеранција и разбирање меѓу луѓето. Акцијата беше организирана по повод интернационалниот Ден против фашизмот и антисемитизмот, со цел во јавноста да се промовираат вредностите како траен мир, солидарност, ненасилство и почитување на правата на сите луѓе кои живеат во Македонија. “Со промовирање позитивни пораки, се надеваме дека ќе влијаеме на јавното мнение за потребата од унапредување на меѓуетничките односи и воопшто борба против секаков вид омраза и насилство”, велат во Меѓаши. Акцијата “Да го симнеме насилството од ѕидовите” претставува дел од проектот “Другарување преку меѓуетничка соработка во 5 мултиетнички клуба во средни училишта во Скопје, во Тетово и во Куманово”. Проектот е финансиран од Европската Унија преку Делегацијата на Европската комисија во Скопје во рамките на програмата “Европска иницијатива за демократија и човекови права”, поддржан од ОБСЕ, од Совет на Европа и од Министерството за образование, Управа за унапредување на јазиците на припадниците на малцинствата.
С.Н.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
