|
ONLINE VERSION |
|
|
PRINT VERSION |
|
Ебарт/Медија документација - Белград, Србија и Црна Гора
Поттикнување на квалитет и точност на објавените информации
Ебарт/Медија документација (Белград, Србија и Црна Гора) е организација која почна да работи во 2000 година. Нејзината активност е архивирање на печатените медиуми во електронска форма, медиумски анализи, како и едукација на новинари и уредници за потребите на оваа архива. Зачувана на едно место и лесно достапна, документацијата им овозможува на новинарите, медиумските аналитичари, библиотекарите и останатите да ги засноваат своите текстови или проекти на факти и одредени податоци. Таа ја поддржува професионализацијата и модернизацијата на новинарството во Србија и во регионот во целост, поттикнувајќи аналитичко и истражувачко известување и создавајќи услови за проучувањето на медиумската средина/опкружување.
Предностите на електронската архива
Овој вид електронска архива може да поттикне генерален квалитет и точност на објавените информации, бидејќи сите податоци (за личности, институции, општествени појави и моментални настани) се лесно достапни. Ова особено се однесува на размената на информации во Југоисточна Европа - во земјите каде се користат српскиот, хрватскиот, црногорскиот и босанскиот јазик. Во Словенија и во Македонија, исто така, јазичните бариери не се големи. Ова значи дека глобалните и регионалните проблеми (како што се организираниот криминал, недозволената трговија со друга, оружје, цигари, луѓе и сл.) би можеле да се анализираат со пребарување на печатените архиви. Досега, Ебарт/Медија документацијата е единствената организација која успеа да го усоврши системот на електронско архивирање на медиумите.
База на податоци
Базата на податоци на медиумскиот материјал нуди голем број можности за соработка во регионот, вклучително:
- можности за развој на компаративна анализа од општа природа, како и по поединечни жанрови, специфични идеи и теми во текот на подолг временски период;
- можност да се има увид во функционирањето на медиумските манипулации, тековни и минати;
- развој на мрежа на печатени медиуми (национална и регионална) како услов за подобра соработка и професионална изведба на новинарите и медиумите;
- воспоставување на “Балкан Леџис-Неџис”;
- блиска соработка на програми и проекти за реформи, вклучувајќи модернизација на јавната администрација;
- развој на електронски архиви и пребарување/преглед на национални и регионални нивоа.
“Меѓу останатите, во изминатите години работевме на проектите “Соочување со минатото” и “Хашкиот трибунал”. Преку овие проекти со обидовме да се справиме со една деликатна работа - интересот и сликата за минатото (и последиците од него) кои се дел од јавното мислење во Србија. Го набљудувавме и анализиравме интересот за блиското и далечното минато, како и за Хашкиот трибунал преку медиумите и го средивме и класифициравме собраниот материјал во нашата база на податоци. Општата цел на проектите беше да се подигне свеста по даденото прашање кај јавноста, како и во професионалните кругови (новинарите, медиумските експерти, експертите по општествени науки, активистите за човекови права...). Текстовите, заедно со квантитативните анализи, собрани и сортирани по тема, достапни се на нашата веб-страница: њњњ.архив.цо.ѕу-посочуваат членовите на Ебарт/Медија документација”.
Контакти:
office@arhiv.co.su
info@arhiv.co.su
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
