|
ONLINE VERSION |
|
|
PRINT VERSION |
|
Постои ли меѓусебна доверба кај граѓанските организации
Бариерата во меѓусебната соработка се уште постои
“Во Делчево се регистрирани 105 граѓански организации од кои активно работеа само 7-8 здруженија до отварањето на Центарот за поддршка на невладини организации. Центарот е финансиран и раководен од Европската агенција за реконструкција и ФИООМ и со неговото постоење климата во сите граѓански организации е сменета. Профункционираа 30 здруженија, регистрирани се 6 нови, а членството во сите здруженија е зголемено со нови членови кои што го наоѓаат своето поле на делување во здруженијата, каде се пронаоѓаат и самите себе. Граѓанските организации работат на проекти од различни сфери од кои дел ги обезбедуваат сами а поголемиот дел од нив им се обезбедени со информации и конкурси од Центарот за поддршка на НВО. Иако една од целите на Центарот е мрежно поврзување на граѓанските здруженија, а со цел заеднички настап пред донаторите, решавање на покрупни општествени проблеми и вклучување на побројни целни групи во проектите, во голем дел од случаите тоа изостанува.
Граѓанските здруженија уште не можат да ја разбијат бариерата за меѓусебна соработка во делот на заеднички настап пред донаторите, размена на искуства, вклучување тимови за заедничка изработка на проекти, особено помеѓу организациите кои имаат исто поле на дејствување. Често се случува заради немање капацитет во самите граѓански здруженија да не се добие проект, но и да не се добие проект кој веќе влегол во втора или трета фаза, или пак да има лоша имплементација на веќе одобрен проект. Центарот за поддршка на НВО работи на рушење на тие бариери, преку одржување состаноци со граѓанските здруженија, финансирање на покренување иницијативи на заедници, вмрежување и посети на центри и НВО.
Еден од проблемите со којшто се судираат граѓанските здруженија е и таканаречената “Човек организација”. Овој проблем е исто така присутен во граѓанските здруженија, од причина што се мисли дека еден човек може да ја заврши целата работа околу пишување и аплицирање проекти како и за нивна имплементација. Праксата докажува дека тие организации кога ќе дојдат во ситуација да добијат проект (нешто што е ретко остварливо), ја согледуваат својата грешка дека за да функционира една организација потребен е тим кој треба да биде обучен и за изготвување на проектот и за имплементирање на истиот. ЦП за поддршка на НВО тој проблем го решава со инсистирање до претседателите на здруженијата да вклучуваат нови членови, а и тие да се вклучат во циклусот на обуки што ги имаме обезбедено - истакнуваат претставниците на ЦП НВО Делчево, координаторите Тони Стоименовски и Тереза Филобог.
К.Б.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
