|
ONLINE VERSION |
|
|
PRINT VERSION |
|
Успешен едукативен проект на “Черења” од Штип
Свидетелства за жени Ромки
Здружението на Ромите „Черења” од Штип, на 25 мај на свеченост организирана во градот, им додели свидетелства на 35 жени Ромки за завршено основно образование, како дел од активностите на проектот „Жените, образованието и човековите права”, кој “Черења” го спроведуваше од јуни 2003 до мај 2004 година. Проектот е финансиран од УСАИД, преку Институтот за трајни заедници (ИТЗ), а беше спроведуван девет месеци низ курс за описменување на жените Ромки, преку одржување на работилници на теми „Човековите права и родовата рамнотежа” и „Женски човекови права”.
„Започнавме со 60 Ромки од ромската заедница во Штип, на возраст од 14 до 36 години, ги поделивме на три еднакви групи и обезбедивме настава два пати неделно во нашите простории а резултат од тоа се свидетелствата за завршено основно образование со кои се стекнаа 35 жени. Но, нема да застанеме тука. Веќе остваруваме и бараме нови контакти со организации кои финансиски би го помогнале продолжувањето на проектот”, изјави Енисе Демирова, претседателка на „Черења”.
|
Новини во наставата на српски, турски и влашки јазик
Швајцарската амбасада ќе финансира учебници
Швајцарската амбасада, преку Агенцијата за образование, ќе финансира печатење учебници на турски и српски јазик за основците и средношколците. Книгите ќе бидат преведувани од македонски јазик, а учениците ќе можат да ги користат од идната учебна година.
Според Драган Недељковиќ, директор на Управата за развој на образованието на заедниците, станува збор за 255 основци кои учат на српски јазик, 7.000 ученици во основното образование и 300 основци, кои учат на турски јазик. Со учебниците на српски јазик ќе се служат учениците од училиштата “Кирил и Методиј” во Кучевиште, “Светозар Марковиќ” во Старо Нагоричане, “Браќа Рибар” во Табановце, “Вук Караџиќ” во Куманово и “Блаже Конески” во Скопје, додека турските учебници, меѓу другите, ќе ги користат основците од “Петар Здравковски-Пенко” и “Тефејуз”. Од октомври, се планира факултативна настава на влашки јазик на Педагошкиот факултет во Штип.
Ж.Ѓ
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
