|
ONLINE VERSION |
|
|
PRINT VERSION |
|
погледи
Визниот режим меѓу Македонија и Албанија е парадоксален
албански
Во оваа прилика сакам да го запознаам граѓанинот на Македонија со една „парадоксална ситуација”, која се случува и ден денес, во 21 век, а за која многу малку се знае во македонската јавност.
Парадоксот е наречен визен режим меѓу Р. Македонија и Р. Албанија. Имено, режимот е поставен така што државјанин на Македонија со албанска националност може да ја помине границата без никаков трошок, додека државјаните на РМ кои се од македонска националност за да ја поминат границата треба да издвојат 10 евра. Реципрочни мерки има и од другата страна на границата, за влез во РМ државјанин на Албанија со македонска националност не плаќа ништо, додека албанскиот државјанин со албанска националност треба да плати 10 евра.
Некои од вас може и нема да верувате дека денес, во 21 век, се прави ваква дискриминација која ги иритира засегнатите страни. Не знам во што е причината за тоа, ај да сме едните црни, другите бели, или сме со две глави, или на крајот на краиштата небаре едните се побогати од другите. Причината којашто се спомнува дека секој бесплатно влегува во својата матична земја (Македонец од Албанија во Македонија и Албанец од Македонија во Албанија) за мене и за повеќето граѓани што се засегнати со овој проблем не е на место.
Оваа бариера којашто е вештачки направена од страна на двете држави не претставува само лоша политичка бариера, туку во исто време претставува и економска и културна бариера.
Денес овој проблем н$ засега многу, посебно сега кога Македонија, како држава со сите свои расположливи средства, се бори за визно олеснување со земјите од Европската Унија, а паралелно со тоа со нејзиниот западен сосед води дискриминаторкска визна политика, а истото го прави и Република Албанија.
Граѓанскиот сектор од двете страни на границата со години реагира да се исправи оваа неправда. Рака на срце, во пресрет на оваа иницијатива добивме голема поддршка од страна на градоначалникот на Дебар, Аргетим Фида, и од градоначалникот на соседната општина Пешкопеја (Р. Албанија), Илир Кроси.
Со цел да се укине оваа контроверзна одлука од страна на двете влади, неколку здруженија на граѓани од двете страни на границата, заедно со градоначалниците на горенаведените општини, потпишаа декларација за укинување на оваа бариера којашто беше доставена до двете влади, но за жал с$ уште нема ни трага ни глас за решавање на овој проблем.
Гоце Љубиновски
(авторот на текстот е проект-координатор на Центарот за одржлив развој на заедницата Дебар)
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
