NE MAQEDONI U MBAJT DITA E PARE EVROPIANE E SIPERMARRESIT

“na duhet me shume shpirt sipermarres”

Kete vit per here te pare ne Maqedoni u mbajt manifestimi “Dita Evropiane e Sipermarresit”. Me 9 dhe 10 maj, ne Panairin e Shkupit, u mbajten 11 seminare, ne te cilat me shume se 500 te pranishmeve iu drejtuan rreth 50 ligjerues. Ne kete panair te sipermarrjes moren pjese 60 kompani nga vendet e rajonit (Serbi e Mali i Zi, Kosova, Bosnja e Hercegovina dhe Maqedonia), si dhe organizata per mbeshtetje te sipermarrjes. 

Organizatore te manifestimit ishin Ministria e Ekonomise se Republikes se Maqedonise, Qyteti i Shkupit, Agjencia per Mbeshtetje te Sipermarrjes ne RM – AMSRM, Biznes-Asociacioni Evropian – EBA, Fondacioni Zhvillimor Maqedonas i Ndermarrjeve – FZHMN, Asociacioni Trajnuese Akademike (Academic Training Association) – ATA, me mbeshtetje nga Delegacioni i Komisionit Evropian.

 

Si lindi idea 

“Projektin e filluam ne qershor te vitit 2005”, thote Dimitar Ristovski, drejtor i Biznes-Asociacionit Evropian (EBA), nje nga organizatoret e “Dites Evropiane te Sipermarresit”. “Qe kur e morem mbeshtetjen nga Delegacioni i Komisionit Evropian dhe nga Qyteti i Shkupit, morem vesh se edhe Ministria e Ekonomise se RM-se, bashke me ATA nga Holanda, planifikojne Diten Evropiane ta kremtojne me organizimin e panairit te sipermarresve nga Evropa Juglindore. Duke marre parasysh se sa te ngjashme jane idete, u morem vesh qe bashke ta organizojme kete ngjarje”, thote Ristovski.

Pastaj u inkuadruan edhe mbeshtetesit tjere te manifestimit. “Duke u nisur nga pervoja e meparshme pozitive, Fondacioni Zhvillimor Maqedonas i Ndermarrjeve (FZHMN) u inkuadrua ne organizimin e kesaj ngjarje”, thote Tetjana Lazarevska nga FZHMN. “Mendojme se kjo eshte mundesi e mire qe t’i shkembejme pervojat e deritanishme dhe t’i hapim ceshtjet te cilat paraqisnin pengese ne punen e sipermarresve”, shtoi ajo.

Biznes-Asociacioni Evropian e fitoi te drejten e perdorimit te logos dhe titullit te ngjarjes “Dita Evropiane e Sipermarresit”.

Qellimi i ngjarjes eshte qe te zhvillohet sipermarrja dhe te mundesohet nje vend ku institucionet qeveritare, veteqeverisja lokale dhe sipermarresit do te bisedojne per politikat per zhvillimin e sipermarrjes.
 

Cfare ofroi manifestimi

Dita Evropiane e Sipermarresit ishte e ndare ne dy pjese, pjesa e forumit dhe pjesa ekspozuese. Ne diten e pare, pjesemarresit dhe vizitoret paten mundesi te degjojne per politikat evropiane per mbeshtetje dhe zhvillim te sipermarrjes, per te mesuarit sipermarres, per qasjen e klastereve drejt zhvillimit te sipermarrjes, per sipermarrjen ne veteqeverisjen lokale, per mundesite per financim te ndermarrjeve te vogla dhe te mesme, per menyren e rritjes se eksportit ne UE nepermjet permiresimit te cilesise, inovimit, promovimit dhe standardizimit, pastaj per rritjen e bashkepunimit nderkufitar me eliminimin e barrierave tregtare etj.

Ne pjesen ekspozuese, gjashtedhjete kompani nga rajoni paten mundesi te tregojne se cfare punojne dhe te vendosin kontakte per bashkepunimin e tyre te ardhshem. “Per panairin kuptuam nga ATA, e cila njekohesisht na i mbuloi edhe shpenzimet e rruges dhe qendrimit ne Shkup”, tha Bajram Binaku, nga fabrika e birres ne Peje, nje nga kompanite qe i ekspozoi prodhimet e veta ne Diten Evropiane te Sipermarresit. “Ne si kompani rregullisht marrim pjese ne ngjarje te ketilla dhe kjo eshte hera e trete qe jemi ne Shkup. Qellimi i pjesemarrjes sone eshte te vendosim kontakte me sipermarresit nga rajoni dhe ta plasojme perseri prodhimin tone te njohur, duke marre parasysh se birra jone e Pejes ishte shume e njohur me pare. Ne jemi te kenaqur nga prezantimi, si nga ana jone ashtu edhe nga organizatori”, shtoi Binaku. 

Edhe “Abakus komerc” mori pjese ne pjesen ekspozuese ne Diten Evropiane te Sipermarresit. “Menduam se panairi eshte mundesi e mire qe t’i njoftojme firmat dhe organizatat tjera te cilat kane nevoje nga botimi i materialeve informative, me punen tone. Kemi verejtje te ndarja e hapesires, ku jane prezantuar organizatat dhe kompanite, mendojme se nje hapesire e vetme do te ishte me produktive per ne, por kjo eshte ajo”, tha Luben Saragjinovski, disajner grafik ne “Abakus komerc”. Ata presin se 3-5% nga kontaktet e realizuara do te sjellin rezultate te metejshme afariste.
 

Cfare me tej

“Mendoj se perfunduam pune te mire”, tha Dimitar Ristovski nga EBA. “Ndoshta dolem shume ambicioz, por i realizuam planet. Dhe reagimet e para nga ekspozuesit dhe pjesemarresit ishin pozitive, qe na inkurajon shume”, shtoi ai. 

“Ideja eshte qe kjo ngjarje te behet tradicionale, te fitohet pasqyre se ekziston kjo ngjarje. Deshirojme qe cak i kesaj ngjarje te jene edhe studentet dhe te rinjte e papunesuar”, thote Ristovski dhe shton: “Por, deshirojme edhe te ndryshoje mentaliteti te te rinjte, te jene te vetedijshem se ata vete do te duhet t’i mundesojne pune vetes, e te mos presin nga te tjeret. Prandaj mendoj se eshte e nevojshme ndryshimi i vetedijes, na duhet me shume fryme sipermarrese”.