|
ONLINE VERSION |
|
|
PRINT VERSION |
|
Мировен протестен марш
Разбуди се Скопје!
Со повикот „Доста е! Ги повикуваме граѓаните на градот Скопје да се РАЗБУДАТ од лошиот сон и да ги истераат убијците од нашите редови!”, на територијата на општината Чаир, на 24 мај 2006, се одржа протестен мировен марш. На протестот се придружија неколку илјади граѓани кои минувајќи ја патеката на маршот од паркот до Бит-пазар, својот револт го изразуваа со слоганите „Стоп на оружјето” и „Стоп на насилството”.
Директен повод за организирањето на протестниот марш е длабоката разочараност од трагедијата којашто се случи на 18 мај во едно интернет-кафуле во близина на трговскиот центар Чаирчанка, каде згаснаа три млади животи, а уште шест лица беа ранети.
Иницијативата за изразување незадоволство и протест на овој начин ја дадоа повеќе организации, меѓутоа здружението „Разбуди се Скопје!”, кое се формира на почетокот на овој месец, беше главниот носител и организатор на протестот. Во организацијата на протестот со своја поддршка меѓу првите се вклучи НВО Цивил.
„Ова е можеби најжесток изблик на незадоволство од она што ни се случува со години наназад. Протестот беше еден чист, сосема непартиски, изблик на граѓанска реакција на говорот на оружјето. За среќа, протестот остана граѓанска иницијатива, без никакво политизирање и покажа дека граѓаните на Чаир, без оглед на нивното етничко потекло, сите заедно се засегнати со овој голем проблем којшто им се надвисува над главите. Се надевам дека протестот е вовед во понатамошни, уште погласни искажувања на револт против оружјето во Македонија и резултат на четиригодишната работа на НВО за јакнење на свеста на граѓаните за тоа какво влијание има оружјето во нивните животи и во нивните заедници” - изјави Џабир Дерала, претседател на Цивил, а ја најави и Меѓународната недела на акција против оружјето, која треба да се одвива во 14 градови низ Македонија.
Свое лично учество во мировниот марш зеде и Изет Меџити, градоначалник на општината Чаир. “Време е да се вразумиме и да ги замолчиме железните усти, а мирисот на барутот засекогаш да исчезне од нашата атмосфера” - е дел од пораката којашто по повод протестниот марш ја упати Трифун Костовски, градоначалник на град Скопје.
Со свој став против употребата на оружјето протестот го поддржаа и Македонската православна црква и Исламската верска заедница. Протестот беше поддржан и од УНДП, од Каритас Франција и од здружението „Еснаф”.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
