|
ONLINE VERSION |
|
|
PRINT VERSION |
|
Реакција
Непокренување постапка за смртта на Беќиров е дискриминација
Хуманитарното здружение на Ромите “Месечина” од Гостивар и Асоцијацијата за демократски развој на Ромите “Сонце” од Тетово, реагираа на одлуката на Јавното обвинителство и по една година од смртта на младиот Трајан Беќиров да не подигне обвинение против полициската единица Алфи. Според овие организации, со својата постапка Јавното обвинителство искажува дискриминаторски однос кон Ромите особено кога се во тек реформи во полицијата и судството за воспоставување систем, во кој ефективно ќе се штитат човековите права и слободи.
Особено, велат во “Месечина”, затоа што се работи за дете, а според Конвенцијата за правата на детето, ниту едно дете не смее да биде изложувано на мачење, казни или свирепо однесување.
За “Месечина” и “Сонце” отсуството на интерес за расчистување на случајот со Беќиров е индикатор за постоење дискриминација на етничка и статусна припадност, и отвора врати за понатамошно неказнето насилство на полицијата кога се во прашање Роми. Потврда на тоа, велат од “Месечина” се и други исто така нерасветлени случаи кога жртви биле Роми. За случајот е најавена и приватна тужба и истрага од страна на семејството на детето.
Со смртта на Трајан Бекиров, како и за постапките кои сe уште не започнале пред домашните органи се запознаени и неколку меѓународни организации, информираат од “Месечина”. Ромските невладини организации, во соработка со МЦМС, присуствувале на Конференција на Обединетите нации, на Работната група за малцинства во Женева, каде што за случајот бил информиран комесарот за човекови права Томас Хомерберг.
С.Н.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
