|
ONLINE VERSION |
|
|
PRINT VERSION |
|
Извештај на УНИЦЕФ
Сиромаштијата најмногу ги погодува децата
Разумно користење на европските претпристапни фондови, соработка помеѓу Владата и невладиниот сектор и вложување во децата се дел од заклучоците од конференцијата за детската сиромаштија, во организација на Канцеларијата на УНИЦЕФ во Скопје, по повод Светскиот ден на детето, на која учествуваа и министерот за труд и социјална политика, Љупчо Мешков и европретставникот Ерван Фуере. Во извештајот на УНИЦЕФ, кој се однесува на детската сиромаштија во земјава, се констатира дека во Македонија правата на детето и можностите за децата да го исполнат својот потенцијал се загарантирани, но не се секогаш обезбедени. Како пример се наведува фактот дека од 36 отсто од населението што е невработено, само 7,5 отсто добиваат помош во форма на детски додатоци. Според статистичарите, 35 отсто од сиромашните семејства во земјава имаат деца под седумгодишна возраст.
За 2007 година Владата има распределено близу 1,5 милијарда денари за програми што се однесуваат на децата. Од овој износ, 878 милиони денари, или 60 отсто, се наменети за изградба на згради, децентрализациски програми и финансирање дневни центри за нега и рекреација. Само 596 милиони денари, или 40 отсто, се распределени за програми кои директно се однесуваат на детската сиромаштија.
„Оваа состојба е неприфатлива, посебно ако се има предвид дека земјава бележи економски напредок”, нагласи претставникот на УНИЦЕФ во Македонија, Хонгвеј Гао, на собирот „Разбирање на детската сиромаштија”. Таа додаде дека за интензивирање на борбата против детската сиромаштија е потребно поактивно вклучување на државните институции. Гао нагласи дека справувањето со детската сиромаштија треба да биде национален приоритет, бидејќи тие не може да чекаат. „Бројот на сиромашните домаќинства е зголемен од 19 проценти во 1997 година на 30 во 2005 година. Повеќето од сиромашните се домаќинства со деца”, предупреди Гао.
С.Н.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
