ВО ОХРИД

Охридска Изида - прва мултиетничка НВО

Во Охрид неодамна беше формирана првата мултиетничка женска невладина организација - "Охридска Изида", која има за цел подобрување на положбата на сите жени во нашето општество, без разлика на етничкиот состав. Во "Охридска Изида" членуваат Македонки, Турчинки, Албанки, Влаинки, Србинки, Египјанки и Ромки, а организацијата е отворена и за жените од другите етноси.

"Охридска Изида" ќе работи на подигнувањето на јавната свест за еманципацијата на жената, за воспоставување на повисок степен кон нејзината еднаквост со мажот, за полова рамноправност, за заштита од насилството, за подобрување на образованието и на здравствената заштита на жената и за нејзина економска независност.

М.И.