|
ONLINE VERSION |
|
|
PRINT VERSION |
|
7 Март - Денот на учителот
Граѓанските организации во поддршка на образованието
Веќе неколку години во Македонија, Албанците го слават 7 Март - Денот на учителот. На овој датум, кон крајот на ЏИЏ век, беше отворено првото училиште на албански јазик.
По повод овој ден, симболично, на почетокот на школската година повеќе граѓански организации организираат собирање школски материјал за учениците кои се наоѓаат во тешка материјална состојба. Општо гледано, состојбата на образованието во Македонија се наоѓа на незавидно ниво, без разлика на кој јазик се одвива. Условите во коишто се развива албанското образование исто така се многу тешки, особено во училиштата во руралните населби, каде не само што недостасуваат елементарните училишни средства за работа, туку недостасуваат и простории. Во многу случаи, учениците треба да одат на настава во три смени и со скратени часови. Наставниците и ден денес продолжуваат да одат пешки по неколку километри, за да стигнат до училиштата коишто се наоѓаат во планинските населени места.
Друг проблем со којшто се соочуваат училиштата, а и учениците, е недостигот на фондот на книги. Учениците, кои потекнуваат од сиромашни семејства, на почетокот на школската година се соочуваат со проблемот на обезбедување училишни книги, па така или ќе ги купат на старо или ќе си ги позајмуваат од постари роднини. А, како тие ученици ќе си дозволат да си купат некоја книга која би сакале да ја прочитаат?
Ел хилал во образовни мисии
Веќе трета година Хуманитарната организација Ел хилал, во рамките на нејзините програмски активности, ја спроведува акцијата за дистрибуција на книги, по повод 7 Март - Денот на учителот. Оваа година беа дистрибуирани околу 2.000 книги и други публикации за десет училишта на целата територија на Македонија. Книгите за оваа активност, која стана веќе традиција, се обезбедени од 9 издавачки куќи, кои позитивно одговорија на барањето на Ел хилал, додека еден дел од книгите организацијата ги обезбеди од свои средства. Како што ни кажаа од организацијата, во годинешнава активност книгите беа подарени во регионот на Скопје, и тоа во основните училишта “Ибе Паликуќа” во Бојане, “Скендербег” во Арачиново, “Наим Фрашери” во Студеничане, “Никола Вапцаров” во Скопје, како и во Гостивар, во Куманово, во Битола и во Велес.
Околу пладне, на 6 март, се упативме заедно со активистите на Ел хилал кон нашата прва цел, Основното училиште “Скендербег” во Арачиново, каде требаше да им бидат подарени книгите. Учениците љубопитно се вртеа околу нас за да видат што носиме. Во училиштето н$ пречека директорот на училиштето кој изрази голема благодарност за помошта во книги.
Агуш Абази, библиотекар во училиштето, ни кажа дека фондот на книги е некаде околу три илјади. До Министерството за образование упатиле барање за книги, но до ден денес с$ уште не добиле одговор. Така, минатата година со иницијатива на родителите и на учениците купиле книги за училишната библиотека.
Оттука заминавме за Студеничани. Ја поминавме населбата Драчево, па по еден планински пат стигнавме до селото. По тесните улички ги забележавме учениците, со чантите на грб, кои веќе завршиле со наставата. Стигнавме пред училишниот двор, каде што н$ чекаше активистот на Ел хилал од Студеничани. Иако врнежливо, на стадионот на училиштето забележавме неколку ученици како си играат со топка, како да не им пречеше дождот. Влеговме во канцеларијата на наставниците. Првото што ми падна в очи, беше ќумбето на дрва.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
