СЕМИНАР ЗА МЛАДИНСКИ ЛИДЕРИ

Поголема иницијативност на младите

Од 18 до 25 октомври годинава, во Младинскиот центар во Охрид, се одржа семинар за младински лидери, во организација на  Директоријатот за млади и спорт на Советот на Европа, а во кооорганизација со Агенцијата за млади и спорт на Република Македонија.
Присуствуваа младински лидери од триесетина невладини организации во Македонија, со различен етнички состав, како и младински лидери од Шпанија, Украина, Романија, Грузија, Холандија и Унгарија.
Целта на овој семинар беше да се придонесе за прегрупирање и повторно организирање на младинските невладини организации во Македонија, вклучувајќи ги мрежите на НВО, а исто така, да се придонесе кон општата дебата на актуелни теми во Македонија (демократија, учество на младите, интеретнички дијалог и друго).
Обучувач на овој семинар беше Горан Булдиоски, советник за неформално образование од Европскиот младински центар при Директоријатот за млади и спорт од Будимпешта. Според него, младинските НВО во Македонија поминуваат низ период кога има многу иницијативи кои не добиваат многу внимание, а потребно е да се надмине и недостатокот од кординација и знаење помеѓу нив.
С.Д.