|
ONLINE VERSION |
|
|
PRINT VERSION |
|
Кампања за повеќе избрани жени на парламентарните избори 2006
Потребна е едукација на жените од политичките партии
Сојузот на организациите на жените на Македонија, во партнерство со Одделението за промоција на еднаквоста меѓу половите, при Министерството за труд и социјална политика, со поддршка од мисијата ОБСЕ во Скопје, ја започна кампањата за повеќе избрани жени на парламентарните избори идната година во Македонија, во рамките на којашто на 23 септември ја одржа и националната конференција “За еднакви можности - Повеќе избрани жени на парламентарните избори 2006 “одина”. На неа присуствуваа членки од сите политички партии, пратеничките во Парламентот на Република Македонија, претставници од раководствата на политичките партии, меѓународни и домашни организации, како и медиумите.
Во предлог-заклучоците е содржана потребата од активно залагање на сите засегнати субјекти за присуство на повеќе избрани жени на парламентарните избори следната година, за континуирана политичка едукација на жените од политичките партии, јакнење на соработката меѓу политичките партии, ГО и синдикатите, донесување закон за еднакви можности и негова имплементација, потреба од доследно почитување на изборните законски прописи и неприфаќање кандидатските листи за пратеници, во кои не е почитувана родовата квота од Законот за избор на пратеници на првата и втората половина на кандидатската листа од страна на Државната изборна комисија. Во заклучоците е забележана и потребата од вградување одредба во Законот за избор на пратеници на секоја кандидатска листа за воведување 30% родовна квота за најмалку застапениот пол на листата и на првата и на втората половина на кандидатската листа, а застапеноста на жените во изборните тела да биде најмалку 30%. СОЖМ како иницијатор и носител на овие активности, од своето долгогодишно искуство и работење на полето на политичкото јакнење на жените, во оваа прилика предложи, а предлогот е поддржан од страна на мисијата на ОБСЕ, секое трето место на кандидатските листи за пратеници да биде за кандидатите од најмалку застапениот пол.
Со преставничките од политичката партија ВМРО - Народна, во Скопје, на 15 и 16 октомври е одржан првиот од предвидениот циклус семинари, во рамките на програмата “Жените го можат тоа ИИ - Парламентарни избори 2006”. Семинарот е реализиран од страна на СОЖМ во партнерство со Одделението за унапредување на рамноправноста меѓу половите, при Министерството
за труд и социјална политика (МТСП) и набљудувачката мисија на ОБСЕ во Скопје.
К.Б.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
