MILIEUKONTAKT OOST-EUROPA

Учество на јавноста во практиката...

Холандската финдација Milieukontakt Oost-Europa, преку својата канцеларија во Македонија и во соработка со Новинарско-правниот енвиро центар ЕРИНА од Скопје ја издаде на македонски јазик својата публикација „Учество на јавноста во практика”, чиј автор е Хенриета Мартонакова.

Книгата има за цел да ги претстави  можностите и проблемите за учество на јавноста во донесувањето на одлуките поврзани со животната средина во државите на Централна и Источна Европа. Претставени се и примери на проекти за учество на јавноста реализирани во Словенија, Хрватска, Словачка, Бугарија и Романија, кои се истовремено искуства за примена на Архуската конвенција во практиката.

...и Водич за пристап кон информациите за животната средина

Практичниот водич на авторот Џереми Вејтс, издание на Friends of Earth Europe, за остварување на правото да се знае за проблематиката на животната средина, е преведен и на македонски јазик, во организација na Mileukontakt Oost-Europa и Новинарско-правниот енвиро центар ЕРИНА од Скопје.

Во книгата се претставени искуствата на САД, Европската унија и на земјите од Централна и Источна Европа, како и легислативата со која во овие региони е регулирано правото на јавноста на пристап до информациите за животната средина. Книгата е пишувана во 1995 година и беше еден од материјалите што беа користени во подготовката на Архуската конвенција, а и денес претставува мошне актуелно и вредно четиво  од оваа област.