|
ONLINE VERSION |
|
|
PRINT VERSION |
|
Годишен извештај на Амнести интернационал
Политичкото лицемерие го разгорува жарот на конфликтите во светот
Амнести интернационал го издаде својот нов извештај за состојбата со човековите права во светот. Извештајот, во кој се опфатени 149 земји, го истакнува неуспехот на националните влади и меѓународните организации да се справат со прекршувањето на човековите права и повикува на поголема меѓународна одговорност. Извештајот ги наведува следните “достигнувања” во 2004-тата година: продолжување на економските интереси, политичко лицемерие и општествена дискриминација која го разгорува жарот на конфликтите во светот; “војната против тероризмот” која се покажа поефикасна во поткопување на меѓународните принципи на човекови права, отколку во спротивставување на меѓународниот “тероризам”; милиони жени кои се соочуваат со насилство на полова основа во домовите, во заедницата, или пак во военте зони каде економските, социјалните и културните права на маргинализираните заедници се игнорираат или се речиси целосно запоставени. Во извештајот исто се истакнуваат можностите за позитивни промени кои се појавија во 2004 година, често пати предводени од активистите за човекови права и припадниците на граѓанското општество. С$ посилни беа барањата за реформи на машинеријата на ОН за човекови права, како и кампањите за поголема одговорност на корпорациите, за зајакнување на меѓународната правда, контрола врз трговијата со оружје и запирање на насилството врз жените. Целосниот извештај е достапен на веб-страницата: www.amnesty.org.
Т.Х.
|
Словенија
Словенечката Платформа на НГДО на интернет
Словенечката Платформа НГДО СЛОГА (Словенечка глобална акција) неодамна ја лансира својата веб-страница. Посетете ја: http://www.slogaplatform.org/ и дознајте повеќе за основањето на словенечката мрежа на НГДО за 2004 година, за главните предизвици за 2005 г., како и за линковите на членките на НГДО. За повеќе информации контактирајте со словенечката платформа на: coordinator@slogaplatform.org.
Т.Х.
|
На патот кон ЕУ
На 13 јули - разговор со Оли Рен
Дали саката да дознаете повеќе за можностите и предизвиците на Албанија, на Хрватска, на Босна и Херцеговина, на Македонија, на Србија и Црна Гора вклучително и Косово под администрација на ОН, во врска со нивните напори на патот кон Европската Унија? Тогаш, подгответе ги вашите прашања за Оли Рен, член на Европската комисија, кој е наедно оговорен за проширувањето и кој ги кани младите луѓе од земјите од регионот на Западен Балкан, како и сите заинтересирани за перспективите на регионот кон Европа, на веб-разговор, во среда, 13 јули 2005 г. Линиите на англиски, на албански, на босански, на хрватски, на српски, на македонски и на фински јазик ќе бидат отворени од 16:00 до 17:15 по централно европско време. Прашањате може да се испраќаат (и однапред) на: Chat-Rehn@cec.eu.int. За повеќе корисни информации околу начините на кои може да се учествува во разговорот, посетете ја страницата http://europa.eu.int/comm/chat/instructions/index_en.htm.
Т.Х.
|
Коментар на рамковната конвенција на Советот на Европа
Заштита на националните малцинства
Правата на малцинствата стануваат с$ поважни особено во контекст на проширувањето на Европската Унија. Постојат неколку договори за правата на малцинствата според меѓународните закони. Рамковната конвенција на Советот на Европа за заштита на националните малцинства е една од нив. Така, публикацијата “Правата на малцинствата: Коментар на Европската рамковна конвенција за заштита на националните малцинства”, нуди прв експертски коментар на Конвенцијата, која е главен меѓународен документ што ги заснова правата на малцинствата на законски начин. Овој коментар, подготвен од страна на Марк Велер, претставува детална анализа на Конвенцијата (член по член) извршена од група меѓународни експерти по право на малцинствата. За повеќе информации во врска со книгата, погледнете го каталогот од библиотеката на ЕЦМИ на http://ecmidb.dimast-services.de.
Т.Х.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
