|
ONLINE VERSION |
|
|
PRINT VERSION |
|
Светски ден за слобода на медиумите
Новинарите опоменуваат со молчење
Трети мај е денот кога новинарите ги одбележуваат основните принципи на слободата на печатот, ја оценуваат неговата слобода низ целиот свет, им оддаваат почит на новинарите кои ги изгубиле животите вршејќи ја својата работа. Годинава Светскиот ден на медиумите се одбележуваше под мотото “Пет минути громогласна тишина”, а Здружението на новинарите на Македонија (ЗНМ) во земјава го одбележа под мото “Петминутен молк за присилно замолченото новинарство! ЗНМ потенцираше дека повеќе од 500 новинари се убиени во изминатата деценија, дека поголемиот дел од сторителите и понатаму се слободни, но и дека само минатата година е убиен 71 новинар, а годинава, во изминатите неколку месеци веќе 15. ЗНМ ги повика своите членови и сите новинари и медиумски работници во Македонија на Светскиот ден на слободата на медиумите со пет минути громогласна тишина, од 11:55 до 12:00 часот и во централните информативни емисии во електронските медиуми, да ги опоменат сите оние кои им застануваат на патот на слободниот проток на информации и да им оддадат почит на настраданите колеги. Кон повикот се приклучија сите медиуми во Македонија, ТВ екраните петте минути беа празни или со порака, радијата ја исклучија програмата или го прочитаа прогласот на Здружението на новинарите на Македонија. Дневните весници објавија текстови по тој повод и објавија пригодна страница подготвена од страна на Здружението кое истакна дека Македонија не е на црниот список на убиени новинари, и дека за среќа, во Македонија новинарите не ги убиваат, но постојано се обидуваат да ги замолчат.
“Можеби не сме “прославени” по црниот рекорд на убиства, но сигурно сме прославени по рекорди во судски процеси и пресуди против новинарите, и тоа за нивната работа, за нивното пишување со што сигурно не може да се каже дека постои целосна слобода на јавното информирање!
Новинарството не се убива со убиството и малтретирањето на новинарите. Секогаш постои новинар кој ќе ја продолжи вистината, колку и да е сурова!” - порачаа од ЗНМ.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
