|
ONLINE VERSION |
|
|
PRINT VERSION |
|
СОЖМ и владините институции заедно
Родова рамноправност на локално ниво
Сојузот на организациите на жените на Република Македонија во соработка со Министерството за труд и социјална политика, Одделението за унапредување на рамноправноста помеѓу половите и 10 општини во Македонија, и со финансиска поддршка од мисијата на ОБСЕ во Република Македонија, започна со имплементацијата на проектот “Промовирање на родова рамноправност на локално ниво”. Промоцијата се одржа на 12 јануари, годинава, во Клубот на пратениците во Скопје, кога беа промовирани и отворените канцеларии за поддршка на комисиите за родова рамноправност. “Проектов за родова рамноправност на локално ниво ќе ни помогне и нам, на Владата, при одговорањето на многу битни прашања од европрашалникот за Македонија, како што се верските, националните и сл. разлики”, истакна Ацо Јаневски, државен секретар во Министерството за труд и социјална политика”.
Џералдин Бјалерстед, одговорно лице за родова рамноправност во мисијата на ОБСЕ во Македонија, поддржувач на проектот, нагласувајќи дека оваа организација веќе подолго време финансира вакви и слични проекти, додаде: “Македонија е членка на ОБСЕ, а ОБСЕ е голем донатор за проекти врзани за родовата рамноправност. Овој проект засега почнува да функционира во 10 општини, со исто толку регионални комисии за родова рамноправност. Но, ние нема да застанеме овде, туку ќе се залагаме вакви комисии да се формираат и во другите општини во Македонија, ќе помогнеме да се доизгради и развие нивниот капацитет”. Проектот ќе се одвива во три фази. Првата опфаќа институционална поставеност на комисиите со формирање комисиите како постојани тела во општините, втората фаза цели да се зголеми родовата свест со организирање семинари, работилници, пропаганден материјал и информациски кампањи, а третата се однесува на формирање и работа на националната мрежа на комисиите за родова рамноправност.
Савка Тодоровска, претседателка на СОЖМ, нагласи дека оваа година се очекува донесување на законот за родова еднаквост, што оди во прилог на досегашните заложби на организацијата.
Д. М.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
