|
ONLINE VERSION |
|
|
PRINT VERSION |
|
Улична изложба во Штип
Фер услови за жените кои ја облекуваат Европа
На први октомври, точно напладне, на плоштадот “Слобода” во Штип беше отворена уличната изложба под наслов “Фер услови за жените кои ја облекуваат Европа”, каде беа презентирани 8-те меѓународни стандарди што се однесуваат на работните права на жените - работнички во конфекциската индустрија.
Станува збор за регионален проект во којшто учествуваа организациите од Македонија (ППЦ Штип, “Сонце” од Тетово и “Делта” од Делчево), од Србија и Црна Гора (“Фелиситас” - Белград, “Ужички центар за човекови права” - Ужице и “Центарот за демократски вредности” - Лебане) и од Бугарија (ЖАР - Софија, Синдикатот „Поткрепа” - Дупница и ИКАР - Хасково). На граѓаните коишто ја посетија изложбата им беа делени флаери, разгледници, брошури за „Кампањата за чиста облека - ССС”, како и маици и освежувачи за простории со мотото на кампањата, а беше организирана и наградна игра во којашто граѓаните требаше да утврдат како е пресметана платата на една работничка.
За жал, велат организаторите, никој не успеа да ја направи пресметката.
Организаторите беа изненадени од фактот дека и покрај лошите временски услови, изложбата ја посетија околу 500 граѓани од општината Штип, кои пополнуваа и испраќаа разгледници со свои пораки на адреси на институции за коишто мислат дека можат да помогнат во остварување на работните права на жените работнички во конфекциите низ цела Македонија. Беа пополнети и испратени 180 разгледници коишто ППЦ Штип ќе ги препрати до адресираните институции.
К.Б.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
