|
ONLINE VERSION |
|
|
PRINT VERSION |
|
Реакција на Транспарентност
Незадоволство од предложениот закон за слободен пристап до информации
Граѓанската организација “Транспарентност Македонија” не е задоволна од предложениот закон за слободен пристап до информации, за кој најави дека ќе поднесе осум амандмани. Според Зоран Јачев, најновата верзија на предложениот закон се разликува од онаа којашто ја предложиле тие како граѓански сектор, поддржани и од други граѓански организации. За “Транспарентност” е најдискутабилно непостоење независна комисија за слободен пристап до информации, која била предвидена претходно, да ги разгледува жалбите на барателите на информации. Во најновата верзија на предложениот закон наместо комисијата, се наведува дека жалбите ќе ги разгледува надлежен суд, што според членовите на организацијата само ќе ја одолжи жалбената постапка.
“Тоа ќе значи спорост во постапувањето и сериозно ќе го загрози уставно загарантираното право на пристап до информациите. Со законот не е предвидено која институција би ги презела надлежностите на комисијата, кои се однесуваат на обука на администрацијата за примена на законот и донесување на подзаконските акти. Не се предвидува ниту заштита од реваншизам на предупредувачите, односно на лицата кои во корист на јавниот интерес ќе кажат информација којашто не е достапна во јавноста”, вели Јачев. Тој нагласува дека пропуст е и тоа што за предложениот закон не се предвидени ниту јасно дефинирани буџетски средства, што само ќе ја отежни неговата примена.
Во неколку амандмани организацијата бара улогата на Министерството за правда за имплементирање на законот да се замени со комисијата којашто е предвидена во претходната верзија на законот, а извештајот за имплементирање на законот да се доставува до комисијата или до Владата. “Министерството за правда треба да се тргне од својство на посредник на информациите и она што второстепените судови ќе го разгледуваат” нагласи Јачев. Организацијата бара и законот да не биде ограничуван од други закони, како што е сега, но и да се заштитат давателите на информации.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
