|
ONLINE VERSION |
|
|
PRINT VERSION |
|
Коментар
Сe во свое време!
Има ли поупотребувана и поприменлива изрека од онаа во насловот? Како животот да ви започнува со неа, а потоа постојано ве следи, како да сака да ве заштити од непријатни моменти. С$ си има свое време, првата симпатија, првата слаба оценка, првото недоразбирање со родителите, професорите, околината… И така, во животот свесно или несвесно ја прифаќаме оваа крилатица. Веројатно затоа што ја сфаќаме нејзината предност, со неа можете да замените петнаесет-минутно објаснување зошто нешто не треба или не смее да се направи токму сега, а освен тоа не мора да кажете не.
Пред да започнеме да го подготвуваме Граѓански свет ги ставивме на маса сите наши желби за тоа како треба да изгледа првото списание за граѓанското општество во Македонија. И, погодувате, “се во свое време” си ја заврши работата. Пред речиси три и пол години се појави пилот-бројот на Граѓански свет, на 16 страници, во две бои и со повеќе стандардни рубрики. Оттогаш, списанието се надградуваше неколку пати.
Промените главно се однесуваа на зголемување на бројот на страниците и надоградување на содржината, сe во свое време. Овој пат сметавме дека е време да направиме малку поголем чекор. Освен новите четири страници на кои ќе бидат презентирани неколку нови рубрики, списанието и естетски се надоградува. Сепак, најсериозниот чекор е во обидот Граѓански свет да се испроба на пазарот. Тоа значи дека дел од тиражот на списанието ќе биде ставен на продажба. Сето ова секако е во насока на обезбедување на толку посакуваната самоодржливост на списанието. Во последните месеци, или подобро речено во последната година, сe почесто се зборуваше за заминувањето на странските донатори од земјава.
Сe почесто се зборува за потребата да се најдат други извори на средства кои ќе му бидат достапни на граѓанскиот сектор и со кои ќе бидат продолжени активностите на граѓанските организации. Мораше да дојде времето и за ова. Во пракса да се пробаат и да се проверат претпоставките од претходниот период и да видиме дали сме кадарни да одржиме една иницијатива како што е Граѓански свет. Граѓански свет со новиот изглед ќе го добиете како и досега, по пошта, бесплатно. Во првите месеци само еден дел од тиражот ќе биде ставен на продажба, а понатаму, с$ во свое време. А времето поминува, со него заминуваат и некои погодности на кои сме навикнале. Новото време бара некои нови квалитети, идеи, нови начини на работа. На нив ќе треба да се навикнеме, но с$ во свое време! Гонце Јаковлеска |
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
