Луѓе: Виолета Петровска

Се борам, лобирам, убедувам, стекнувам пријатели-сопатници

Професионално искуство: Дипломиран правник со долгогодишно практично искус­тво.

Ангажирање во граѓанскиот сектор: Прет­седателка и основач на организацијата на жените “Кумановка”, која  - презема актив­ности со цел унапредување на положбата на жената во правниот систем на РМ, со раз­вивање на граѓанското општество, гра­ѓанската самосвест, човековите права, политичката култура, мултикултурата и родовата еднаквост. Од неодамна коорди­натор на МЖЛ - огранок Куманово но и член е на координативното тело на локалната самоуправа и на бордот на “Женскиот центар - Жена на 21. век”.

Хоби и интерес: Читање стручна литература, патувања во развиени демократски држави.

Најтешка одлука: Дали да помогнам на болниот, сиромашниот, невработениот...

Амбиции: Се залагам за промени, се борам, лобирам, убедувам, се стекнувам со при­јатели-сопатници, ги следам реакциите на јавноста и на медиумите и барам нивна постојана поддршка. Гледам како зреат плодовите на моето залагање, се качувам се повисоко, но не сама. Со себе имам голем број луѓе кои гледаат на работите исто како мене, и не само тоа, туку се стремат кон поправедно општество со отворени врати дури и за оние што се наоѓаат некаде на маргините”.

Во слободно време читам: Стручна лите­ратура и дневен печат.

Каде оди во слободно време: Немам многу слободно време, но кога ќе ми се укаже прилика, закажувам средби со пријателките на колачи во “Кенди” Куманово.

За време на викенди: Ако немам некоја активност, дома сум со семејството, со сопругот и синовите кои се студенти и на кои им посветувам особено внимание.

Кој национален/локален проблем го смета за особено важен и зошто:
Во Република Македонија има многу проб­леми, меѓутоа истите нема кој да ги решава. Есенцијални проблеми постојат преку нере­шавањето на прашањата на корупција, измама и криминал. Излегува дека ваквите проблеми за одредена категорија луѓе се повеќе испатливи по однос на чесната работа. Тоа што важи за државата во целина, важи за проблеми од локален карактер каде што граѓаните не можат да си ги остварат своите права.

Кој глобален проблем го смета  за особено важен и зошто:
Глобален проблем постои во невладеење на правото, со што се поткопува демократијата од една страна, а од друга страна го забавува развојот на нашето граѓанско општество. Нарушена е човековата безбедност  преку разни форми на тероризам, трговија со луѓе, дрога и оружје, а особено преку корупцијата и големиот прилив на неконтролиран профит од наведените криминални дејствија.

Што би променила во Македонија и во светот: Со ефикасна борба на институциите на системот, треба да се менува момен­талното мил­је, на начин со што ќе се стави крај на теро­ризмот, трговијата со луѓе, со оружје. Тогаш граѓаните би можеле мирно и спокојно да жи­веат. По однос на економскиот план на земјата, треба да заживее прет­приемништвото и сто­панството, осо­бено малите и сред­­ните претпријатија коишто ќе вра­ботуваат нови работници. Со отворање на нови можности за работа, вработените ќе  остваруваат заработувачка за себе и редовно ќе ги иплаќаат придонесите и даноците од плата на државата.

Совет/порака: Доста мудрувања и пре­пукувања, туку потребно е да се работи на претходно укажанато.

Никогаш не би можела да: Никогаш не би можела да го замислам ликот на Платон Каратаев од романот “Војна и мир” на Толстој, кој зборува за среќа и ја квалификува на среќен начин: “Среќа претставува платнена кофа која кога ќе ја спуштиш во бунарот и ќе ја повлечеш нагоре, испаѓа дека е тешко, што значи дека е полна, меѓутоа, кога ќе ја извлечам од бунарот, таа е веќе празна”.