|
ONLINE VERSION |
|
|
PRINT VERSION |
|
Милиеуконтакт оост-Европа
Кампања за позеленување на локалните избори
На 16-ти и 17-ти јули 2004 година, во Скопје, на иницијатива на независната холандска фондација Милиеуконтакт оост-Европа (Милиеуконтакт Оост-Еуропа), се одржа почетниот состанок на еколошките организации кои ќе работат на непартиска јавна кампања за позеленување на локалните избори оваа есен. Кампањата ќе има за цел наметнување локални еколошки проблеми на политичката агенда на кандидатите за градоначалници и советници во градовите каде што се активни организациите. На состанокот присуствуваа претставници од: Проактива од Скопје, Еко-свест од Скопје, НПЕЦ Ерина од Скопје, Шпреса од Тетово, ИПО Крсте Јон од Струга, Биосфера од Битола, Еко извор од Битола, ЕД Планетум од Струмица, ЕД Брица од Берово и ЕД Кладенец од Пехчево, како и претставници од иницијаторот на кампањата, Милиеуконтакт оост-Европа, Работната група за позеленување на локалните избори (РГПЛИ) којашто претставува национален координатор на сите локални кампањи, и претставници од мрежата на независни консултанти КОЦКА кои ќе ги водат еколошките организации во процесот на подготовка на нивните локални кампањи. Изборот на организациите кои се вклучени во оваа кампања беше направен од страна на претставници на Милиеуконтакт оост-Европа, РГПЛИ и КОЦКА, а врз основа на поднесените концепти за кампањи во рамките на објавениот конкурс од страна на Милиеуконтакт оост-Европа.
Состанокот беше искористен и за договарање на основните начела на мрежно работење на вклучените организации, како и за предусловот за еднаков и непристрасен пристап кон сите кандидати за градоначалници и советници. Организациите се договорија да се подготват заеднички материјали со единствено лого, слоган и централна порака на кампањата. Со ова се смета дека кампањата ќе има поголемо влијание, пред с$ во општините каде што директно ќе се имплементира, но се смета и на индиректно влијание и во другите општини.
М. Мартиноски
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
