|
ONLINE VERSION |
|
|
PRINT VERSION |
|
Театарска младина на Македонија
Доближување на театарот до младите во малите градови
Театарската младина на Македонија, во рамките на кампањата на УНИЦЕФ “Театар против сидата”, го реализира проектот “Имам право да знам” во кој во 15 градови низ Македонија беа изведени стотина театарски претстави на оваа тема. Целта на проектот е и развој на театарот во средините во кои малку или воопшто не е застапен и преминувањето преку сериозниот јаз на театарска понуда кој постои во нашата држава. Во 15 градови, Скопје, Берово, Пехчево, Делчево, Свети Николе, Крива Паланка, Куманово, Тетово, Гостивар, Битола, Кичево, Струга, Охрид, Ресен и Гевгелија, се формирани младински театарски центри кои и по завршувањето на проектот ќе бидат собиралиште на младите вљубеници во театарската уметност. Во проектот учествуваат средношколци кои работејќи во групи имаа задача да создадат претстава на тема ХИВ-СИДА, да направат сценарио, да ја режираат, да ја осмислат сцената и костимите. Со нив најчесто работат нивните професори по мајчин јазик, како и 10 експерти ангажирани од театарската младина.
- Младите во некои делови од Македонија многу тешко доаѓаат до театарот, на пример во Делчево од 100 деца само 30 биле во театар, а во Берово во последните 30 години немало театарска премиера. Просториите во Домовите на културата кои ги користевме најчесто се незатоплени и немаат некои услови за работа. Сепак, наидовме на голема заинтересираност на децата, немаше селекција, сите можеа да учествуваат и да дадат свој учинок во претставите. Тие го создаваа буквално секој дел од сценариото до режирањето и сценографијата. Пред да ја добијат задачата, тие поминуваа низ еден интензивен еднодневен курс за с$ што треба да научат пред создавањето на драмата. Добиваа и литература, како и задача по премиерата претставата да се одигра уште неколку пати”, изјави Нелко Нелковски, автор на проектот. С. Н.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
