|
ONLINE VERSION |
|
|
PRINT VERSION |
|
ЛУЃЕ: Весна Јованова
Образованието треба да им биде достапно на сите
Професионално искуство
Иако по вокација сум професорка по филозофија, за жал, никогаш не добив можност да работам на својата професија. Започнав да работам релативно млада, уште како студентка. Иако работев разни работи, себе си на професионален план се пронајдав во ЕСЕ.
Ангажирање во граѓански сектор
Во Здружението за еманципација, солидарност и еднаквост на жените на Р. Македонија - ЕСЕ, работам од 2000 год. До 2005 год. работев на Програмата за јакнење на капацитеите на женските НВО. Од 2005 год, го водам одделението за развој на ЕСЕ, кое покрај прибирањето средства е задолжено и за односите со јавноста и медиумите.
Хоби и интереси
Професионалниот ангажман и семејството, како и на најголем број жени и мене не ми остава време за хоби.
Најтешка одлука
Нема тешки одлуки, има само позитивни или негативни последици од одлуките.
Амбиции
Да не се доведам во ситуација да се лажам себе си или своите најблиски.
Во слободното време чита:
Се обидувам да најдам време за читање и друга литература покрај стручната. Во моментов ги читам а и топло ги препорачувам “Баудолино” од Умберто Еко и “Заговор на третото небо” од Џулио Леони.
Каде оди во слободното време
Најчесто таму каде што сакаат моите деца.
За време на викендите
Доколку не работам, целото време го посветувам на семејството и домот.
Кој национален/локален проблем го смета за особено важен и зошто?
Образованието, кое треба да биде достапно за сите.
Кој глобален проблем го смета за особено важен и зошто?
Повторно образованието. Според втората цел на Милениумските развојни цели, треба да се обезбеди сите момчиња и девојчиња да го комплетираат своето основно образование. Светот, вклучувајќи не и нас е далеку од оваа цел.
Што би променил/а во Македонија и во светот?
Ставовите на општествата кон жените.
Совет/порака
Поделбата на обврските, одговорностите и придобивките е основа за рамноправност
Никогаш не би можел/а
Да застапувам мнозински туѓи гледишта и ставови ако тие се косат со моите принципи.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
