|
ONLINE VERSION |
|
|
PRINT VERSION |
|
Информативен караван
Доматот монструм предупреди на опасноста од ГМО
Здружението на граѓаните Еко-свест и Пријатели на Земјата Европа (Фриендс оф тхе Еартх Еуропе - ФоЕЕ), во текот на јуни, во неколку градови во Македонија реализираа „Турнеја на доматот Монструм во Македонија”. Проектот беше замислен и реализиран како информативен карван за генетски модифицираните организми (ГМО). Низ Охрид, Битола, Велес, Струмица и Скопје, организаторите, придружени со 6 метри висок домат кој ги покажува забите, ја информираа јавноста за тоа што се ГМО и кои се ризиците од нивната употреба, како и за веќе познатите негативни влијанија од одгледувањето на култури и употреба на продукти од ГМО со примери од целиот свет. Одгледувањето на ГМО-културите има и значаен негативен ефект врз фармерите, заканувајќи им се директно на нивната егзистенција. Турнејата на доматот монструм, според организаторите од Еко-свест, имаше за цел да ја објасни моменталната ситуација и зголемените ризици од одгледување и влез на ГМО-култури во Македонија.
„ГМО е непозната тематика за македонската јавност. Трансгенетските растенија кои се добиваат со неприродни модификации ги зголемуваат ризиците и негативно влијаат врз природната средина и човековото здравје. Во Македонија законот за ГМО с$ уште не е донесен и со тоа не е воспоставен механизам за контрола на влез на истите”, информираат во Еко-свест. Според нив, една од целите на турнејата на доматот монструм е промовирање на идејата за декларирање на слободни зони на ГМО на територијата на Македонија. Граѓаните на петте града се потпишуваа и на петицијата против внесување ГМО во земјава која ќе биде доставена до надлежните институци, до Министерството за животна средина и просторно планирање и до Министерството за земјоделство, шумарство и водостопанство.
Настанот беше финансиран од Глобал грингрантс фонд и има за цел да ја подигне јавната свест за ризиците и негативните ефекти од употребата на ГМО врз животната средина и човековото здравје. Турнеи на доматот монструм во јуни имаше и во Романија и во Бугарија.
С.Н.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
