|
ONLINE VERSION |
|
|
PRINT VERSION |
|
Истражување на ОКСФАМ
Повеќето апели на ОН добиваат понмалку средства
И покрај минатонеделниот итен апел од страна на Кофи Анан за поголема помош, молбите упатени од страна на Обединетите нации добиваат само 19% од побараната финансиска помош, а доколку е вклучено ветување (кое често пати не се исполнува), помошта достигнува максимум до 30%. Според податоците, ветени биле 90 милиони долари од 312-те побарани од ОН, а само четири земји - Шведска, Луксембург, Холандија и Данска досега дале повеќе од нивниот фер удел. Владите коишто дале помалку од една петтина од својот дел се: Јапонија (17%), Германија (14%), САД (19%) и Италија (7%).
Седум влади на богати земји - Белгија, Франција, Австрија, Финска, Грција, Португалија и Шпанија досега немаат дадено ништо за апелите на ОН. За разлика од нив, многу посиромашни земји, како на пример, Полска и Чиле, имаат придонесено многу повеќе за апелите на ОН.
Според истражувањето на ОКСФАМ, додека итните случаи од потежок калибар великодушно се финансираат (на пример, апелот на ОН за Ирак од 2003 година доби 90% од побараните средства, а апелот за цунамите 80% од финансиските средства за 10 дена), во 2004-тата година владите-донатори обезбедија помалку од две третини од она што беше побарано во итните апели на ОН, оставајќи црна дупка од 1,3 милијарди американски долари во итните програми.
Повеќето итни апели на ОН добиваат помалку од 30% од побараните средства во првиот месец. Други моментални апели на ОН, како апелот за Малави, остануваа исто така недофинансирани.
Целосниот список на владини придонеси за апелите на ОН споредбено со нивниот фер дел, можете да најдете на: хттп://њњњ.оџфам.орг/енг/пр051025_соутхасиа_аппеал_бацкгроунддоцс.хтм.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
