Фондација „Чекор по чекор“

Надвор од кругот

Фондацијата за образование и културни иницијативи „Чекор по чекор“ ја започна кампањата насловена „Надвор од кругот“, чија цел е подигнување на јавната свест за подобрување на состојбата на децата кои се соочуваат со социјално исклучување и други видови дискриминација.

Кампњата започна со средба на околу 250 деца од рурални средини и 12 организации кои заедно со „Чекор по чекор“ ќе ја спроведуваат кампањата. На оваа средба, пред надлежните органи беа претставени потребите на децата, кои живеат во сиромаштија и социјална исклученост. Истовремено, беше организирана изложба на детски цртежи и творби. На средбата, зборуваа министерот за труд и социјални работи на Република Македонија, г. Јован Манасиевски и извршниот директор на Фондацијата Институт отворено општество, г. Владимир Милчин.

Кампањата финансиски е поддржана од ФИООМ, Фондацијата Крал Бодуен од Белгија и УНИЦЕФ.

М.И.