|
ONLINE VERSION |
|
PRINT VERSION |
|
погледи
Синергија за заедничко добро! albanski
Напредувањето на демократските процеси во Република Македонија е незамисливо без развој на граѓанските организации. Локалната самоуправа, пак, нужно е упатена на синергија со граѓанскиот сектор како суштинска можност за идентификација и организација на потребите и интересите на граѓаните.
Токму заради тоа, Градот Скопје го определи ова прашање како еден од своите приоритети и пристапи кон изработка на Стратегијата на Град Скопје за соработка со граѓанските организации. Стратегијата ја изготвивме заедно со Центарот за институционален развој - ЦИРа, а целиот проект беше финансиран од набљудувачката мисија на ОБСЕ во Скопје.
Администрацијата на град Скопје идната соработка со граѓанскиот сектор ја заснова на следните принципи: партнерство, взаемна доверба, учество и консултации, јавност (транспарентност), независност и одговорност. Стратегијата е среднорочен плански документ кој го опфаќа периодот 2007-2010 година. Нејзината главна цел е да овозможи активно вклучување на граѓанските организации во процесите на дефинирање, на развојни активности и иницијативи на градот Скопје, како и да создава предуслови за оформување ефикасни партнерства.
Главната цел на Стратегијата е детално разработена преку серија од седум специфични цели. Првата цел е воспоставување механизми на соработка помеѓу градот Скопје и граѓанските организации, за што е потребно да се изработи ресурна база на податоци на граѓанските организации, да се формираат дискусиски работни групи по различни области, да се формира градски форум за соработка и координација со граѓанските организации, да се усвојат и објават критериумите за поддршка на номинираните проекти и на процедурите за аплицирање.
За истата цел, предвидена е и изработка на механизми за заштита на интелектуалната сопственост во однос на доставените проекти.
Втората цел е зголемување на протокот на информации помеѓу градот Скопје и граѓанските организации, за чија реализација е предвидено формирање заеднички електронски (е-маил) групи по области, формирање дискусиски блогови во состав на интернет-страницата на градот Скопје, формирање градски НВО-центар, обезбедување стручна помош и информации на граѓанските организации во делот на толкување на законската регулатива која е во директна врска со ингеренциите на градот Скопје и одлуките на градот Скопје, како и други мерки кои ќе придонесат за зајакнување на овој сегмент.
Во главните цели се уште и зголемување и зајакнување на капацитетите на градската администрација, развивање стратешки партнерства помеѓу градот и граѓанските организации, зголемување на степенот на заштита на животната средина и подобрување на градската чистота, како и зголемување на учеството на граѓанските организации во процесите на планирање и изработка на специјализирани стратегии.
Оваа стратегија е заснована на концептот вин-вин (концепт на победник-победник) и на моделот на долготрајна соработка (како алтернатива на преовладувачката ад-хок соработка), во кој синергетски се надополнуваат ресурсите со кои располагаат граѓанските организации од една страна, и администрацијата на градот Скопје, од друга, и неминовно е да дојде до неколкукратно подобрување на резултатите од досегашната работа.
Ние сме уверени дека реализацијата на оваа стратегија ќе има квалитетно влијание на вкупниот демократски процес и јакнењето на граѓанското општество во земјата, бидејќи таа е, и останува, во духот на максимата „мисли глобално - дејствувај локално”.
Трифун Костовски (авторот е градоначалник на Град Скопје)
|
|
|
|
Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
| |
Кампањата “Учиме за ЕУ” Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|