|
ONLINE VERSION |
|
|
PRINT VERSION |
|
Здружение за борба против ракот – “Борка”
Организирани едукативни форуми на 5 универзитети во земјава
„Потребата за формирање на ’БОРКА’ се наметна како резултат на постојната состојба во здравството во Република Македонија, а имајќи ја предвид решеноста на нашата земја да ги интензивира реформите во оваа област. Увидовме дека во земјава постои потреба од здружение кое генерално ќе ги третира сите видови на рак и кое ќе се бори против ракот генерално, но и поединечно против неговите различни видови” - велат членовите на новоформираното здржуение, чии активности се насочени кон пополнување на споменатата празнина во граѓанскиот здравствен сектор и кон соработката со сите вклучени релевантни фактори.
Во својата работа „Борка” е фокусирана кон заболените пациенти, пошироката јавност, јавните здравствени институции, невладиниот сектор, со цел активно да учествува во создавањето здрава популација, свесна за ризиците и предизвиците, на држава со значително намален број заболени од наведените болести. Во септември, здружението во јавноста го означи своето постоење, организирајќи и едукативен настан како најава на 15 септември, Светскиот ден за борба против крвниот рак лимфом, а во октомври ја формира Алијансата за борба против ракот на дојката, која вклучи кампања за подигање на свеста за рано дијагностицирање на болеста, прибирање средства за бесплатни прегледи и конкурс за награда за новинарско известување. Под мотото „Си требаме една на друга”, на 6-ти октомври во Скопје се одржа симболична прошетка, во соработка со компанијата за жени АВОН, а собраните средства од кампањата беа наменети за бесплатни прегледи на дојка на околу 100 жени со неповолна социјална положба.
Во ноември е спроведена и серија од универзитетски форуми (УКИМ, УКО, УЈИЕ, ЕУРМ, ФОН) од каде се испратени пораки за рана превенција од белодробен карцином, а студентите се информирани за ризикот за заболување предизвикан од пушењето. На форумот учествуваа доктори - експерти, социлози, а беа одржани и видеопроекции и интерактивни дускусии. Почнувајќи од декември, во канцелариите на „Борка”, во Скопје, членовите и поддржувачите ќе реализираат советодавни групи за поддршка на сите заинтересирани кои се поврзани со какво било заболување од рак.
К.Б.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
