|
ONLINE VERSION |
|
|
PRINT VERSION |
|
Град Скопје
Се подготвува Стратегија за соработка со граѓански организации
Градот Скопје, во соработка со Центарот за институционален развој (ЦИРа) и ОБСЕ, во септември ќе донесе Стратегија за соработка со невладиниот сектор чија цел е поголема соработка особено во областите кои се заеднички цели на интерес како образованието, социјалната заштита, културата, животната средина и спортот. До изработката на документот ќе се одржат 6 работилници со невладините организации кои дејствуваат во главниот град, на кои ќе бидат детектирани начините за подобрување на соработката. Градот реализираше анкета меѓу 90 невладини организации и внатре во одделенијата на градската администрација за нивото на соработка со невладиниот сектор, а резултатите од испитувањето беа презентирани на првата работилница која се одржа на 18 јуни во Холидеј Ин.
Една од придобивките што се очекуваат од соработката е и заедничкиот настап на локалната самоуправа и НВО пред странските донатори и фондови за проекти од заеднички интерес, беше истакнато на работилницата. „На подрачјето на Скопје се регистрирани близу 2.000 невладини организаци, што претставува една третина од вкупниот број во државата. Најголем дел од нив се многу активни во своите области и затоа соработката со нив ни е многу важна. Таа треба да се темели на основните принципи на взаемна доверба, партнерство, транспарентност, независност и одговорност”, истакна Сузана Никодиевиќ, раководител на сектор во Генералниот секретаријат на Владата образложувајќи ја владината стратегија за соработка на првата работилница. Таа нагласи дека главни цели на соработката се вклученост на граѓанскиот сектор во европската интеграција, постојан развој и финансиска одржливост на граѓанскиот сектор.
Покрај донесување на Стратегија за соработка, во стратешките планови на Град Скопје, се предвидува и формирање Форум на невладини организации, кој би бил еден вид советодавно тело на Градот Скопје, за теми кои се од интерес за градот, а се дел од редовните активности на невладините организации.
С.Н.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
