|
ONLINE VERSION |
|
|
PRINT VERSION |
|
Трибина
НВО и медиумите - коалиција за демократски промени
Медиумите и граѓанскиот сектор во Република Македонија малку
соработуваат и не си веруваат, констатираа претставници на овие сектори на вчерашната средба на тема “НВО и медиумите - коалиција за демократски промени”, организирана од Институтот за социолошки, политички и правни истражувања и граѓанската организација СУНА. “НВО и медиумите имаат заедничка општествена цел, но и конфликт на интереси. Тие живеат во паралелни светови. Сакаме граѓански сектор којшто политички не е ангажиран. Сакаме еволуција во граѓанските организации каква што доживеаја медиумите последниве години. Здодевно е десет години граѓанските организации да ја оценуваат нашата работа, а никој ниту еднаш не дошол да види како работиме - рече новинарот Драган Павловиќ - Латас. Тој ја спомена нетранспарентноста во работата на граѓанскиот сектор како една од основните причини за недовербата на јавноста во ГО. “Најголем дел од граѓанските организации всушност се владини, некои дури и семејни, некои пак се партиски мегафони и како такви тие не можат да зборуваат во име на граѓанското општество. Затоа и не постои доверба во она што го зборуваат од страна на медиумите” - смета новинарот Драган Антоновски. Претставниците од граѓанскиот сектор, пак, главно ги изнесоа нивните разочарувања од непостоењето слух кај медиумите за нивните активности. Тие им забележуваат на медиумите дека се премногу свртени кон политички теми.
“Мој личен впечаток е дека медиумите не ги интересира граѓанското општество, туку политиката. Ако се вклопите во политичките теми, тогаш ќе ве има во медиумите. Сегашната тема е дали ќе има предвремени избори или не и с$ додека не ја исцрпиме таа тема докрај во домашните медиуми, нема да има простор за други нешта. Сега е време за политика и за вести, а времето кога ќе се заситиме од нив и кога ќе ја сфатиме важноста на граѓанското општество допрва треба да дојде” - рече Горан Величковски, обраќајќи им се на присутните претставници од граѓанскиот сектор и нагласувајќи ги неговите повеќегодишни позитивни искуства со граѓанскиот сектор коишто ги разбиваат стеротипите за несериозноста и непосветеноста на ГО и профитот како придвижувачка сила во нивното дејствување.
Претставниците од МЦМС нагласија дека оценките коишто се даваат за работата на граѓанските организации се паушални и само ја засилуваат црно-белата слика којашто овие два сектори ја имаат еден за друг. Според истражувањето коешто го има направено овој центар, претставици на граѓанскиот сектор се присутни во медиумите со бројка од околу триста прилози и написи во текот на три месеци, но најголем дел од нив се само кратки известувања, а малубројни се анализите и пообемните коментари коишто навлегуваат во суштината на активностите на ГО.
На прес-конференцијата којашто и претходеше на трибината беше најавено дека оваа средба е само дел од проектот којшто во соработка со Институтот за социолошки, политички и правни истражувања и граѓанската организација СУНА ќе опфати уште четири вакви средби што ќе разработуваат различни аспекти од вклученоста на ГО во општествените случувања во земјата.
Н.Б
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
