|
ONLINE VERSION |
|
|
PRINT VERSION |
|
погледи
Оружјето е дизајнирано да убива
Оружјето е дизајнирано да убива. И - тоа сигурно ќе го стори во даден миг! Тоа е една од водечките идејни поставки на предавањето за ризиците од оружјето кое го одржа полковник Франк Одендал, а во организација на Цивил, Пакс Кристи Холандија и УНДП/САЦИМ 2 – “Сафер Цоммунитѕ Буилдинг”.
Понатаму, тој, со доза на црн хумор, продолжува да набројува низа примери за тоа како оружјето, муницијата и експлозивите проговоруваат и без да се поканат.
Присуството на оружјето директно влијае на состојбата на човековите права, правдата, безбедноста и целокупниот развој. Притоа, да се послужиме со зборовите на Алан Лапон, проект-менаџер во УНДП, “поседувањето со оружје не ве прави експерт за ракување со него”. Човековите вредности, според г. Лапон, се сериозно загрозени и блокирани онаму каде што има оружје.
Кај нас, во Цивил, како и во рамките на нашите редовни состаноци со организациите членки на Контакт-групата на НВО за разоружување, често се водат дискусии во врска со една стратешка дилема во поглед на процесите на стабилизација на регионот, каде што, се подразбира, основниот нагласок е на разоружувањето, односно воспоставувањето конечна и сериозна контрола на пролиферацијата и поседувањето на оружјето, особено на нелегалното.
Како што е познато, проценките велат дека 170.000 домаќинства во Македонија поседуваат најмалку едно парче нелегално оружје, што води до бројката од околу 500.000 парчиња во домовите на нашите сограѓани. А оружјето убива, зарем не?
Што направивме лани, направивме, а, ако земеме предвид што народ сме, добро и ни тргна. Сега е време да размислуваме за продолжување на процесот. Како?
Има две спротивставени размислувања. Едното е дека сега треба да започнеме со регионален пристап кон разоружувањето. Тоа би подразбирало симултана и сеопфатна регионална акција за разоружување. Добра замисла, се согласуваат сите, но пари за тоа нема. Притоа, може ли да се замисли дека една Србија би го собрала оружјето и би го транспортирала во Албанија за да се уништи и обратно? Исто така, политичките, социјалните, културните, економските, географските, безбедносните и низа други околности, си уште не дозволуваат усогласување на акциите од олку деликатна природа.
Обратно од оваа замисла би бил еден посуптилен и потемелен пристап, а тоа е локално разоружување. Поточно, низа аргументи посочуваат дека разоружувањето би можело да се одвива, да кажеме, во една до три општини истовремено со одредени периоди на амнестија за поседување на нелегалното оружје, а, секако, не и за легализирање, бидејќи тој процес заврши со минатогодишната акција. Така, се избегнуваат и робусни, а повеќе и несмасни конструкции, како што беа 123-те локални комисии за доброволно предавање на оружјето и легализација. Рака на срце, тоа беше добар испит за Владата, Координативното тело, УНДП и цивилниот сектор, кој, според моето скромно мислење, го положивме со прилично висока оценка. Сега е време да влеземе подлабоко во заедниците и да извршиме микроразоружувачки операции кои трајно ќе им донесат мир и безбедност на нашите сограѓани. А тоа значи и развој и благосостојба.
(авторот на текстоте претседател на Цивил - НВО за човекови права и развој на граѓанското општество)
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
