|
ONLINE VERSION |
|
|
PRINT VERSION |
|
Црвениот крст го одбележа Денот на гладта
Акција посветена на Тоше
“Помислете и на нас” беше мотото под кое годинава Црвен крст на Скопје, заедно со пет свои општински организации и американската гимназија “Нова”, го одбележаа 16 октомври, Меѓународниот ден на гладта, кој речиси секоја година традиционално се одбележува со различни видови хуманитарни акции. Годинава на три локации во Скопје се реализира хуманитарна акција. Активисти на Црвениот крст на Скопје во ГТЦ, во ТЦ “Бисер” и во ТЦ “Лептокарија продаваа филџани за чај и млеко, а средствата од продажбата ги наменија за обезбедување пакети со прехранбени производи што ќе им бидат поделени на старите лица од руралните средини, како и на социјално загрозените семејства.
Од Црвениот крст велат дека одѕивот за оваа хуманитарна акција бил голем, а дека потврда се и собраните средства. “Со акцијата волонтерите на Црвениот крст уште еднаш потсетија на глобалниот проблем на гладта и неговото постоење во нашето опкружување. Тажно е да се напомене дека денот на акцијата, 16 октомври, беше денот кога трагично загина нашиот Тоше Проески. На прашањето дали таа да се реализира, младинците беа едногласни, да се реализира и да му се посвети на Тоше”, велат од Црвениот крст на Скопје. “Тоше беше нашиот хуманитарец”, беше логото со кое беа покриени штандовите на Црвениот крст. На нив беа поставени постерите од последната кампања реализирана во соработка со големата пејачка ѕвезда.
С.К.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
