Програма за јакнење на капацитетите на женските НВО за здравствена едукација: обуки
Циклусот е поделен во два дела - првиот 4, а вториот 3 дена. Бројот на учесници е ограничен на 16 активистки во една група. На обуките за родови односи и развој посебено внимание е посветено на зголемувањето на свеста за родовите односи и позицијата на жената во општествениот контекст. Целите на обуката во првиот циклус се токму зголемената свест за родовите односи, можноста за родова анализа и примена на родовата анализа на проектно ниво.
Методологијата на работата е интерактивниот пристап во процесот на учење на возрасните.
Сите права се заштитени. |
Обуката која ќе се спроведува во рамките на програмата за јакнење на капацитетите на женските НВО ќе опфати 96 жени, активистки на женски НВО.
На обуките се обработуваат основните концепти на родовите односи и нивната општествена одреденост, учењето на родовите улоги и препознавање на нормите, вредностите и стереотипите во општеството, патријархалноста како систем на контрола врз жената, и се разбира потенцијалот за промена на постоечките односи.
На обуките се посветува големо внимание на препознавање на нееднаквата поделба на трудот и нејзината видливост и вреднување, тројната улога на жената и пристапот и контролата до средствата. Се обработуваат односите на моќ и практичните и стратешките потреби и интереси на жените и уште многу други аспекти релевантни во родовите односи и за приодот за развој и на персонално и на проектно ниво.