ЗЕЛС и АДКОМ

Потпишан меморандум за меѓусебна соработка

Заедницата на единиците на локалната само­упра­ва на Република Македонија (ЗЕЛС) и Асоција­ци­ја­та на давателите на услуги на Репу­блика Маке­до­нија (АДКОМ) на 15 март потпишаа меморандум за меѓусебна соработка. Меморандумот го потпишаа претседателот на ЗЕЛС, Горан Ангелов, и претседателот на АДКОМ, Јордан Милков.

Потпишувањето на меморандумот за соработка имаше за цел овие две организации да дадат при­до­нес во актуелното префрлање на надлеж­нос­тите од централно на локално ниво. Со овој меморандум ЗЕЛС и АДКОМ треба да ги синхронизи­раат нивните напори за лобирање и залагање во врска со донесувањето на правните акти битни за локалната самоуправа и јавните претпријатија, а особено за работата во врска со подобрувањето на комуналните услуги на општинско ниво.

Меморандумот предвидува претставници на АДКОМ да се приклучат во работата на техничките ко­ми­сиите и поткомисии на ЗЕЛС за комунални пра­шања за подготовка на акти и закони за имплементација на Оперативната програма за децентрализација на власта на Владата на Репу­бли­ка Македонија.                                                    Д.М.