МЛАДИНСКИ КУЛТУРЕН ЦЕНТАР, БИТОЛА

Осум години работа за младите

Младинскиот културен центар (МКЦ) од Битола просла­ву­ва значаен јубилеј – прослава на 8-годишнината од своето работење. МКЦ е посветен на активностите по­вр­зани со младите, во кои спаѓаат културно-уметнички мани­фес­тации, образовни проекти и други.

На прославата на својата годишнина што се одржа во Битола, на 26 и 27 февруари 2005 година, пред граѓаните МКЦ ја прет­ста­ви својата веб-страница, ја промовира новата книга на младата поетеса Елизабета Стевановска, под наслов “Потра­га”, а во популарното битолско кафуле “Порта џез” органи­зи­ра ретроспективна изложба на плакати, постери, флаери и друг печатен пропаганден материјал.

МКЦ наскоро ќе се пресели во нови простории, во кои ќе отвори и младински центар каде што ќе се одвиваат повеќе кул­­турни и едукативни активности. Младинскиот културен цен­тар ќе биде лоциран во староградска куќа, заштитена ка­ко културно наследство, која се реновира со поддршка на Фондацијата Институт отворено општество – Македонија и Фондацијата Крал Бодуен од Белгија, во рамките на програмата “Живо наследство”.                              

 М.И.