Меѓународен семинар

Меценатство и спонзорство во културата

На крајот на септември, Фондацијата Институт отворено оп­штес­тво – Македонија и Францускиот културен центар во Македонија организираа меѓународен семинар со наслов “Меценатство и спонзорството во областа на културата: законода­в­ството и практиките во Франција и во Ма­ке­донија”.

Искуствата на Франција ги претстави експерт од областа на спон­зорството и ме­ценатството во културата од Мини­стер­ство­то за култура и комуникација на оваа држава, г. Франсоа Ерлен­бах. Македонска­та јавност слушна каква е законската прак­тика (во Франција во 2003 година е до­несен Закон за меценатство), но и за тра­дицијата на општествената практика и култура на до­нирање. За македонските искуства зборуваа претставници на министерствата за култура и финансии, како и на бизнис-донаторите (Мобимак и Титунски комбинат) и организаторите на кул­турни активности (Скопскиот џез-фестувал, Музичката мла­дина на Македонија, Детскиот театарски центар) и други.

Целта на семинарот беше да го промовира ова прашање кај нас, да се подигне јавната свест на потенцијалните донатори, како и на надлежните институции за подобрување на оп­штест­ве­ната клима, на даночната политика и на законската регулати­ва.        

М.И.