Кампања “Стоп на работа на црно на жените” Под мотото “Стоп на работата на црно на жените”, Сек­цијата на жените при Сојузот на синдикатите на Македонија на 10 декември оваа година ја започна кам­пањата за почитување на достоинството на трудот - против работата на црно. Кампањата ја започнаа во исто време женските организации во син­дикатите на 23 земји од Централна и Источна Европа, здружени во Меѓу­народ­ната конфедерација на слободни син­дикати – ИЦФТУ. “Со кампањата”, вели Лилјана Јанкуловска, претседател на Сек­цијата на жените при ССМ, “го креваме гласот против злоу­потребата и грубата експлоатација на трудот, неоства­рувањето на правата на работниците, недоволно платениот труд, немањето социјално осигурување (пен­зиско и здравствено) и злоупотребата на работното време.”  Инаку, според официјалните податоци, рабо­тењето на црно во Република Македонија е присутно во сите сфери, дури и во државните органи и учествува со околу 45% во бруто домашниот производ. “180.000 работници”, вели Јан­куловска, ”рабо­тат на црно, од нив, 60% се жени”. Основ­ната и крајна цел на Кампањата е легализирање на работниот однос. “Секцијата на жените при ССМ ќе преземе повеќе активности во рамките на кампањата”, вели Мимоза Вујошевиќ, координатор на Кампањата. “Ќе бидат ин­формирани и едуцирани жените што работат на црно, ќе биде отворена посебна, бесплатна телефонска линија за нивни јавувања, ќе бидат организирани трибини, тркалезни маси, отворени форуми, со цел пошироката јавност да се за­познае со  проблемите што ги предизвикува работењето на црно на жените. Ќе  се обидеме синдикално да ги организираме, бидејќи заедно можеме да направиме многу повеќе во борбата против незаконското  работење и ќе пред­­ложиме соодветни измени и дополнувања на закони со кои ќе се овоз­можи рабо­тодав­ци­те рет­роактивно да го легализираат ра­бот­ниот однос на ра­ботниците и да се зајакне казне­ната политика за ра­ботењето на црно”, вели Вујо­шевиќ. Кампањата ќе трае во текот на целата 2005 годи­на.   Гонце Јаковлеска