Мобилизација на ресурси ИВ

 

При избор на стратегијата за мобилизација на ресурси потребно е да се направи поценка на одредени аспекти на опкружувањето, капацитетите и јаките страни на организацијата. 

Што треба да се процени?

ќ   Какви ресурси се потребни?

ќ   Кои ресурси се веќе на располагање? Колку пари и време можеме да инвестираме во мобилизација на ресурси?

ќ   Кои се локалните навики за давање (индивидуални и корпоративни)?

ќ   Кои се трендовите во меѓународната поддршка (официјална меѓународна поддршка, приватни фондации)?

ќ   Дали имаме доволно вештини за фандрејзинг (собирање средства)? Доколку не, како можеме да ги најдеме или стекнеме?

ќ   Како поширокото опкружување, на пример правната рамка, влијае на непрофитниот сектор и напорите за мобилизација на ресурси?

 

Кои се јаките страни на успешните организации во мобилизација на ресурси?

ќ? Јаки релации со локалната заедница

ќ? Фокусот на мобилизацијата на ресурси не е само на себеси

ќ? Пристап до форми на сигурно финансирање

ќ ?Кохерентна мисија и цели коишто се широко прифатени

ќ? Сметководствени системи коишто осигуруваат дека ресурсите завршуваат онаму за каде биле наменети

ќ? Воспоставени канали/процедури за редовна комуникација со донаторите и потенцијалните донатори кои обезбедуваат транспарентност и отчетност

 

Кои се некои од стратегиите за мобилизација на ресурси?

- Донаторско финансирање

Донаторското финансирање кај нас досега се сметаше дека е по­­лесната или преферираната опција за граѓанските организации, меѓутоа, има голем број причини зошто не можеме да се пот­­преме само на овој тип финансирање. Главната причина е про­мената во фокусот на донаторите. Исто така, граѓанските ор­ганизации трпат од промените на приоритетите на донато­ри­те. За да се намали зависноста, добро е да се направи диверзифи­ка­ција на донаторите. 

 

Заработен приход од наплати, продажби и тендери

На­платата на услуги и продажбата на производи претставува ос­но­ва за генерирање приходи. Нудењето услуги и производи на ком­ерцијална основа треба да биде внимателно промислено зашто граѓанските организации имаат развојна мисија. Во вакви си­туации често може да дојде до значително оддалечување од мисијата.

Пријавувањето на тендери е уште една можност. Тендерите нај­чес­то се многу специфични и тендерските документи даваат пре­цизно објаснување за тоа што се бара. Предлогот треба да даде објаснување на кој начин треба да се спроведува испораката, зошто вие би биле добри во тоа и цената за работата. Ова тогаш ја формира основата за вашиот договор доколку вие ја добиете работата, и затоа би требало да посветите соодветно внимание во подготовката на предлогот.

 

- Членарина

Некои организации наплаќаат членарина од нивните членови за покривање на трошоците за водење на организацијата. Ова зна­чи дека членовите треба да имаат некаква корист од плаќањето на членарината - често ова вклучува намалени цени за други ус­луги, продукти или курсеви, или претплата на списание, билтен или весник што инаку се продава по повисока цена.

Чле­нарините можат да донесат поголеми приходи ако: имате широко членство и понудите уникатна или квалитетна услуга. 

 

- Јавно собирање средства

Јавното собирање средства може да подразбира: директни пови­ци преку пошта, специјални настани (како прославите за „Денот на Европа”), собирање на улица, собирање во кутии, собирање од врата на врата итн.

Клучното прашање за јавното собиање средства е имиџот на вашата организација.

 

Сунчица Саздовсака
Раководител на Одделението за граѓанско општество и демократија
МЦМС