КОМЕНТАР

ЗАЕДНО ЗА ТРАНСПАРЕНТНОСТ

Одморите дојдоа и си отидоа. Кој во земјата, кој надвор од неа, барем за малку (некој) за­борави на тоа што се случуваше во изминатиот период. Олимпијадата ја пречекавме и ја испративме. Освен за политичките бранувања што се случуваат кај нас (а тоа веќе стана како мода, за што никој веќе не се изненадува), многу се зборува и за граѓанскиот сектор. Кој колку троши, каде одат парите, кој колку зема, кој и зошто н$ финансира, и ред други прашањата кои им се на­сочуваат на граѓанските организации одвреме навреме. Пред извесен период, една група граѓански организации го направија првиот чекор, иако тоа го прават редовно, како поттик и за другите, и ги објавија годишните извештаи, финансиските извештаи и независните ревизорски мислења. Асоцијацијата за демократски иницијативи (АДИ), Гос­ти­вар; Македонската развојна фондација за претпријатија (МРФП); Македонскиот центар за меѓународна соработка (МЦМС); Првата детска амбасада во светот Меѓаши; Сојузот на организациите на жените на Македонија (СОЖМ); Фондацијата Институт отворено оп­штество Македонија (ФИООМ); Центарот за граѓанска иницијатива (ЦГИ) од Прилеп и Нансен дијалог центарот (НДЦ) првпат заед­нички ги објавија нивните извештаи со цел да дадат  придонес кон транспарентноста на работата на граѓанските организации, како при­донес кон подобрување на ефективноста на граѓанскиот сектор.

Се надеваме дека постепено оние кои постојано го напаѓаат граѓанскиот сектор ќе ја разберат работата на граѓанските организации и ќе ја изгубат недовербата којашто ја имаа досега, намерна или ненамерна. Ова нека биде поттик и за другите субјекти да почнат да ги објавуваат резултатите на нивната работа, без разлика дали тие се др­жавни, јавни или приватни, за да имаме што пот­ранспарентно општество.

Да го дадеме нашиот придонес - заедно за транспарентност!

 

Грамоз Шабани