донатори

Меѓународна фондација Борис Трајковски

Меѓународната фондација Борис Трајковски е фор­ми­рана пролетта 2004 год., со цел да го продолжи де­лото што го остави во наследство покојниот прет­седател на Република Македонија, Борис Трајковски. Мисијата на фондацијата, во Македонија и пошироко, е да промовира „четири основни принципи: мир и помирување, квалитетно образование, принципи на слободна пазарна економија, граѓанско општество и добро владеење”.

Фондацијата според својот обем и мисија дејствува локално, регионално и меѓународно, отсликувајки го динамичниот карактер на Борис Трајковски, како и неговото широко визи­онерство. Основните цели и задачи на Фондацијата вклучуваат промовирање на мирот, помирување и раз­би­ра­ње; про­мовирање на високо квалитетен образовен сис­тем за маке­донските деца и младите луѓе и нивна подобра подготвеност за да ја понесат иднината на својата земја; помагање на целата популација во Македонија, особено на ранливите групи, промовирајќи ги принципите  на слободна пазарна економија и работа за пристоен живот и напредок за сите; промовирање на граѓанското општество и добро вла­деење преку зголемување на отвореноста, тран­спа­рентноста, искре­носта и  поттикнување и поддршка на граѓанскиот сектор.

Активностите на фондацијата ги опфаќаат „Дијалог меѓу ци­вили­зациите” во соработка со УНЕСКО, издавање книги и сти­пендирање. Особено значајно место и е дадено на импле­мен­тацијата на проектот за овозможување пристап до при­до­бив­ките од информациско-комуникациските технологии (ИКТ) „Е-Македонија за сите”, и спроведување „Е-декла­ра­ци­јата”, која Собранието ја усвои во јули 2002 година. Адресата на Фондацијата е следната: Меѓународна фондација Борис Трај­ковски, ул. Васил Ѓоргов бр. 34/2А, МК- 1000 Скопје, Република Македонија (инфоЖбористрајковски.орг). За по­веќе инфор­мации посетете го веб-сајтот на фондацијата њњњ.бористрајковски.орг, кој, меѓу другото, ви нуди и информа­ции за животот и делото на Трајковски (биографија, говори, цитати, фотогалерии).

Д.М