Србија и Црна Гора

Црна Гора го доби Законот за слободен пристап до информации
 

Црна Гора, по две години одолжување, го доби Законот за слободен пристап до информации, усвоен со апсолутно мнозинство. Право на пристап до информациите, со одредени огра­ничувања, ќе имаат сите домашни и странски, правни и физички лица.

Усвојувањето на законот е голем чекор во остварувањето на сло­бодата на информирањето, како основно човеково право. Најголемиот број забелешки биле упатени за одредбите на законот коишто се однесуваат на ограничувањата на при­ста­пот до информации. Пристапот се ограничува доколку со обелоденувањето е загрозена националната безбедност, одбраната и меѓу­на­род­ни­те односи, јавната безбедност, комерцијалните, еко­­номските, приватните и јавните интереси, еконо­м­ска­та и монетарната политика, спречувањето на кри­вич­ните дела, приватноста и личните права на поединецот, како и постапките за обработување и донесување службени акти.

Црна Гора е една од последните земји во регионот којашто го усвои Законот за слободен пристап до информации.    

Г.Ш.