АЗБИЈА МЕМЕДОВА

Не уништи алчноста, себичноста и незнаењето

Професионално искуство:
Како социолог, веке 7 години работам во невладиниот сектор. Консултант сум на неколку меѓународни организации, но и тренер и фацилитатор за НВО во земјава и пошироко.

 

Ангажирање во граѓанскиот сектор:
Претседателка на Центарот на Ромите на град Скопје, чија мисија е забрзување на интеграцијата на Ромите во Македонија, преку зајакнување на ромските инди­видуални и организациски капа­цитети. Особено внимание Центарот посветува на јакнење на положбата на жените на национално и меѓународно ниво.

 

Хоби и интереси:
Животни приказни на успешни луѓе, особено на успешни жени.

 

Најтешка одлука: 
“Денот што го живееш е резултат на одлуките кои си ги донел вчера”. Како и во секоја работа, така и во мојата, секој­дневно сум соочена со ситуации во кои мора да се донесуваат одлуки кои влијаат врз мојот приватен и професионален живот во многу сегменти. Нема најтешка одлука. Секоја одлука носи своја одго­ворност и свои последици.

 

Амбиции:
Да ги испробам способностите во про­фитниот сектор.

 

Во слободно време чита:
Книги со содржини во кои се третира местото на жената во општествата, во религиите, особено во исламот, прашањата на идентитетот, но и книги за Сатја Саи Баба.

 

Каде оди во слободното време:
Таму каде што ќе ме однесе мојот две и пол­годишен син Исак. Најчесто во парк или на Кале.

 

За време на викенди:
Најчесто работам.

 

Кој национален/локален проблем го смета за особено важен и зошто:
Неспособноста на политичката елита да овозможи досто­ен живот на два милиони луѓе. Не уништи алчноста, себичноста и незнаењето.

 

Кој глобален проблем го смета за особено важен и зошто: 
Нееднаквоста помеѓу луѓето, расната и верската нетолеранција која резултира во најголем дел со крајна сиромаштијата.

 

Што би променила во Македонија и во светот:
Мораме сите најитно да се про­мениме себеси и своите архаични ставови за сите оние кои живеат до нас и со нас. Ни треба заедничка визија за која сите ќе се бориме. Кога тоа ќе се случи, светот кој сега многу малку знае за нас, сам ќе ни отвори врати.

 

Совет/порака:
Бидете вистински верници: вредностите на сите религии, па дури и оние на атеистите, се секогаш исти - почитувајте ги.

 

Никогаш не би можела: 
Да затворам очи пред неправедноста.