ПРОГРАМА ЖИВО НАСЛЕДСТВО

Занаетчиите работат со уметници

Ковачите од Берово, ткајачките од беровското село Ру­­си­ново и грнчарите од Вранештица го збогатија асор­ти­ма­нот на своите производи и му додадоа умет­нич­ка нишка – тие се поврзаа со уметничките Сла­ви­ца Ја­неш­ли­ева и Дијана Томиќ-Радевска, по чиј ди­зајн изра­бо­ту­ваат предмети во традиционален за­на­ет­чиски стил. Спојот на древните вештини и на умет­ни­ч­ки­от дух, се надеваат и занаетчиите и уметничките, ќе му дадат но­ва димензија на традиционалното про­из­вод­ство кај нас и ќе продуцираат атрактивни пред­ме­ти и сувенири што ќе сведочат за културното нас­лед­ство од Маке­до­нија. Занаетчиските производи со умет­нички потпис ќе можат наскоро да се најдат во ателјеата на двете уметнички, како и во продажните места во Скопје и други локации. Дел од овие про­из­води беа претставени и на неодамна одржаниот Саем на живото наследство во Скопје.

Проектите во трите споменати заедници се дел од про­гра­мата „Живо наследство” која во Македонија ја спро­­ве­дува и финансира Фондацијата Институт отво­ре­но оп­штество – Македонија. Во рамките на про­гра­мата, фо­рмирана е мрежа на 30-тина проекти кои се спро­ве­де­ни или се во тек на спроведување во Маке­до­ни­ја.        

М.И.