Успешна граѓанска акција во Тетово

“Кажи Македонија” привлече голем број луѓе

Во рамките на граѓанската ак­­ција “Кажи Ма­кедонија”, поч­нувајќи од 29 март 2004, во почетокот на ап­рил во Те­тово се орга­низи­ра­ше со­бирање на пот­писи за под­дршка на отво­реното про­тест­но пис­мо до Со­ветот на Ев­ро­па, како и потпи­шување на картичките и испраќање на истите. Акцијата ја реализираа тетовските граѓански организации Младинска алијанса и Центарот за демо­кратски и економски развој.

Активностите започнаа со одржување прес-конференција на отворен простор, во центарот на градот, а петтдневното одржување на акцијата, беше отценето како повеќе од успешно, бидејќи одѕивот на граѓаните беше голем. Во акцијата се приклучија скоро сите електронски и пишани медиуми коишто егзистираат на тетовскиот регион, како и голем број странски претставници кои во моментот работат во земјава. Медиумите имаа можност да регистрираат вистинска граѓанска акција на масовно потпишување, особено ако се има предвид дека гра­ѓанската поддршка беше подеднаква од сите етнички групи кои живеат во овој регион.   

Д.М.