АЛБАНИЈА На Универзитетите им недостигаат фондови за научни истражувања   Во текот на минатата декада, на албанските универзитети не им биле доделени потребните фондови за научни ис­тра­жу­вања, што довело до намалување на квалитетот на образованието, но и до фактичката состојба, албанската диплома да не може да биде унифицирана на европските универзитети, ниту да биде ратификувана во Европа. Поддршката на научните истражувања е едно од ветувањата на новата влада при изборната кампања, а нејзината про­гра­ма треба да ги земе во обзир институтите поврзани со Академијата на науките, како и другите институции коишто работат во под­рачјето на природните науки, за да се пронајдат можности и начини на истражување и  универ­зи­тетска соработка.  Универзитетите често биле критикувани де­ка се средни училишта со универ­зитетски програми, дека во нивната работа доминираат предавања и испити, но дека истра­жу­ва­чката работа е потполно занемарена.   Г.Ш.