историјат на граѓанското општество
Две години “Еко-мисија”
Веќе две години во Македонија е активно еколошкото друштво “Еко-мисија”, чие основачко собрание е одржано на 17 февруари 2003 година.
Од самите почетоци на формирање на здружението, тоа е отворено за граѓаните со едукативна-пропагандна мисија за анимирање во прилог на заштита на животната средина. Здружението е отворено за дискусии и во него демократски се одлучува.
Минатата година “Еко-мисија” зеде учество во јавната расправа по Нацрт-локалниот еколошки акциски план (ЛЕАП) на Скопје, а по повод Денот на пролетта членовите организираа пошумување на Долги Рид на Водно, каде поставија и табла за основни правила за однесување во природата. Во јули, минатата година, по покана од Институтот за регионални и меѓународни истражувања од Бугарија, меѓу претставниците на граѓанските здруженија од Македонија на неколкудневно студиско патување низ Бугарија учествуваа и преставници на “Еко-мисија”, при што беа организирани средби и размена на искуства со претставници на здруженија од неколку градови.Во месец октомври 2004 година во соработка со Македонското еколошко друштво, Фондот за заштита на дивата флора и фауна и Природонаучниот музеј оваа еколошка организација организира предавање за загрозеноста на грабливите мршојадни птици во Македонија. Во месец ноември, Еко–мисија стана полноправен член на меѓународната организација Работна група за заштита на биодиверзитетот на Централна и Источна Европа (ЦЕЕЊЕБ) и имаше свој претставник на нивното годишно собрание во Унгарија, а од декември 2004 година и полноправен член на Движењето на екологистите на Македонија (ДЕМ).
Во тек е иницијатива за забрана на сообраќајот и автотрките на Водно, за што екологистите имаат поддршка од сите еколошки и планинарски друштва од Скопје, од општините и од други државни институции.
Д.М
|
|